Kabanata 82

Anthony's POV

Pagkababa ko ng hagdanan, agad akong natigilan. May dalawang kasambahay na may bitbit na maleta, at akala ko sa una mga gamit iyon ni Kira. Nanlamig ang kamay ko habang mabilis akong bumaba, halos muntik pa akong matisod sa pagmamadali. Pero paglabas ko ng pintuan, muntik nang mahulog ang panga ko sa nakita ko.

Si Bianca at si Lolo Roman. Magkasama silang pumasok, parang wala silang sama ng loob sa isa’t isa.

Napahinto ako at tulala habang pinagmamasdan sila.

“A-Anong ibig sabihin nito?” tanong ko agad, halos pasigaw.

Ngumiti lang si Lolo Roman, ramdam ko ang kaplastikan ng ngiting iyon. “Anong problema, Anthony? Hindi ba’t matagal mo nang hinihintay ito?”

“Hindi ko maintindihan,” sagot ko, umiinit ang ulo ko. “Galit na galit ka kay Bianca noon. Ikaw mismo ang pumilit sa amin na maghiwalay. Ngayon bigla mo siyang dadalhin dito na parang wala lang?”

Maingat na tumingin si Bianca sa akin, may hawak siyang braso ng Lolo ko na parang pinapakita niyang malapit na sila