Chapter Twenty One

Tracy...

"PINAPAABOT ni Kuya Jay, invitation para dun sa opening nung restaurant niya." Nakangiti kong kinuha yung card mula kay Neon, "Kamusta ka na nga pala? Si Kuya Caleb, nasabi mo na ba sa kanya?"

Umiling ako at mas nilakihan pa ang pagkakabukas ng pintuan, "Pasok ka, nagpapahinga pa si Caleb, baka may gusto kang inumin or kainin?"

Umupo siya sa pang-isahang sofa, "Wala naman, katatapos ko lang mag-agahan. Bakit nga pala hindi mo pa nasabi kay Kuya Caleb?"

Umupo ako sa mahabang sofa katabi ng sa kanya, "Hindi ko alam paano sasabihin sa kanya at kung malaman man niya, maaalala ba niya? What's the use of telling him?"

"At least alam niya, malay mo isa iyon sa hindi niya makalimutan."

"Sasabihin ko siguro pagkatapos ng linggong ito."

"Ilang linggo pa bang kailangan mo? Ilang linggo na rin naman simula nung sinabi sa'tin ng doktor