"Ano ba ang gagawin mo sa Canada, Janine? Maayos naman ang trabaho mo dito?" tanong ng Mama niya habang nag-aalmusal silang tatlo ng kakambal niya. Nagpaalam kasi siya na susunod sa kaibigan niyang si Gelai na isang taon nang nasa Canada ngayon bilang caregiver. Magbabakasyon lang ang paalam niya pero baka magtagal siya doon at mag-apply siya ng working visa kapag nakahanap siya ng trabaho.
"Pupuntahan ko nga si Gelai, 'Ma. Kasama ko si Dennis."
"Boyfriend mo ba ang Dennis na 'yun?"
"Hindi ho."
Nanliligaw si Dennis sa kanya pero noon pa niya nilinaw na wala talaga itong pag-asa. At hindi naman nagbago ang pagkakaibigan nila sa kabila ng pagbasted niya dito.
"Aba'y hindi pala pero ayan sasama ka sa lalaking 'yun nang mag-isa? Hindi ka ba nahihiya sa sasabihin ng ibang tao?"
Napatingin siya kay Jane na dalawang linggo niya na ring iniiwasan pagkatapos ng engagement party nito at ni Patrick. Nahihiya siya sa kapatid dahil buong akala nga ni Patrick ay ito ang naging katalik nito. Nagkagulo pa nga ang mga katulong dahil may dugo daw sa bedsheet kinaumagahan. Lalo tuloy pinagtibay ng pangyayaring 'yun na dapat magpakasal ang dalawa.
Sumisikip ang dibdib niya sa alalahaning iyon. Magkasama ang dalawa sa opisina kaya't dapat lang talaga na ayusin ng dalawa ang relasyon para na rin sa ikabubuti ng kumpanya. Kaya mabuti na rin na mangibang bansa muna siya para na rin sa ikatatahimik niya. Kinabukasan pagkatapos ng kasal ni Jane at ni Patrick ay lilipad siya patungong Canada.
"Eh di sasagutin ko ho, hindi na ba nakakahiya kapag gano'n?" Hindi niya alam kung sarkastiko ang pagkakabigkas niya ng mga salita. Minsan lang siya sumama sa isang lalaki pero ang pangit na ng tingin ng ina sa gagawin niya. Pero nakailang palit noon ng boyfriend si Jane at kung sino-sino ang kasama sa bar hanggang madaling araw, wala siyang narinig na masamang sinabi ang Mama niya.
"Aba'y mabuti at nang makapag-asawa ka na rin. Tingnan mo 'tong kakambal mo, ikakasal na. Hindi ka ba naiinggit?"
Isang tipid na ngiti ang pinakawalan niya. Hindi lang inggit na inggit, selos na selos pa. Kung bakit kasi sa dinami-dami ng lalaki ay kay Patrick pa siya kasi tinamaan. At hindi rin niya alam kung bakit sa kabila ng pagiging kambal nila ni Jane, hindi nito maibaling ang pagtingin sa kanya eh magkamukha naman sila ng kakambal niya.
"Darating din siya d'yan, 'Ma, huwag niyong i-pressure. Ako nga eh hindi pa dapat magpapakasal eh."
"Aba, Jane, huwag na huwag kang aatras kung ayaw mong mademanda tayo ng mga Romano."
"Madedemanda? Bakit naman madedemanda?"
"Hindi mo nga pala alam," paismid na wika ng kakambal niya. "Nakadispalko kasi si Mama ng pera sa kumpanya kaya't ako ang ipinambayad."
"Ano? Bakit, 'Ma? Kailan pa 'to?"
"Ano ba kayo, para tatlong milyon lang 'yun eh. Magkano ba ang shares natin sa kumpanya? May twenty million naman tayo d'yan ah!"
"Pero bakit kailangan niyong kumuha sa pera ng kumpanya, 'Ma? Naghihirap na ba tayo?"
"E di nagsusugal. Sama kasi ng sama sa mga amiga niya sa casino eh, ayan tuloy," sagot pa ulit ni Jane.
"Ma... Walang mabuting idudulot sa inyo ang sugal. Tigilan niyo na 'yan dahil hindi lang tatlong milyon ang susunod na maipapatalo niyo."
"Ano ba kayo, minsan lang ako maglibang ah! Akala niyo ba madali ang buhay mula nang mamatay ang Papa niyo?"
Hindi na sila sumagot ni Jane. Kapag ganoon ang drama ng Mama nila ay kasunod na ang pag-iyak. Tinapos na lang niya ang pagkain para makaakyat na siya sa silid niya.
Dalawang linggo na lang ay paalis na siya papuntang Canada. Mabuti na lang dahil may nakahanda siyang passport dahil galing din sila ng ka-officemate niya sa San Francisco noong isang taon. Kailangan talaga niya nang ibang environment kahit pansamantala lang. Naka-indefinite leave din siya sa banko na pinapasukan hangga't hindi pa siya makapagpasya kung ano ang gagawin sa buhay niya.
She felt empty. Lost. And hurt.
"Biglaan yata ang pag-alis mo, my dear twin sister." Napalingon siya sa biglang pagpasok ni Jane sa silid niya. .
"Hindi naman. Last year namasyal din kami sa San Francisco, di ba?"
"I wish I could go with you. Nababato na talaga akong magtrabaho sa opisina. Idagdag pa na matatali na rin ako kay Patrick."
Isang tipid na ngiti ang pinakawalan niya.
"Alam mo bang pinipilit ako ni Patrick na dito matulog paminsan-minsan?"
"Ano?!" Dumagundong ang tibok ng puso niya dahil alam niya na ang kasunod nun. "Bakit daw? Hindi ba siya makakapaghintay pagkatapos ng kasal niyo?"
"Pinatikim mo ng sarap eh. E di ayun, hinahanap-hanap."
"H-hindi ko sinasadya." Kailangan niyang magsinungaling. "E di ba lasing ako? Ang himbing na mg tulog ko paggising ko nakadagan na siya sa 'kin."
"Okay lang 'yun, ano ka ba..." Tumawa pa ito sa pagiging defensive niya. "Basta nag-enjoy ka din dapat. Basta walang makakaalam ha? Sikreto lang nating dalawa 'yun."
"Hindi ka galit?"
"Of course not! Una, hindi pa naman kami kasal. Kumusta ang performance niya? Totoo ba 'yung sinabi ko na malamya siya sa kama?"
"Hoy, ano ka ba! Malay ko ba eh madilim? At saka antok na antok talaga ako nun kasi andami kong nainom, di ba?"
"Hindi man lang tumirik ang mata mo? Sabi ko na eh!"
Hindi niya gustong salungatin ang akala ni Jane dahil masyadong personal ang nangyari sa kanila ni Patrick kung siya ang tatanungin. At hindi rin naman na naulit dahil lumipat na siya ng silid. Hindi naman talaga tumirik ang mata niya sa pag-angkin ni Patrick dahil mahapdi ang kaselanan niya hanggang kinabukasan. Pero espesyal 'yun sa kanya. At sang-ayon siya kay Jane na kailangang manatili iyong sekreto.
"Andami mo naman kasing pinagkukumparahan eh."
"Siya nga pala ang una mo no?"
Marahan siyang tumango. Kung makapagsalita si Jane ay para lang isang bagay si Patrick na kailangan lang nilang maghiraman. O isang damit na nabili ng kakambal sa mall na pagkatapos siya lang ang unang nakagamit pero kailangan niyang isauli.
"Huwag na nga nating pag-usapan 'yan. Ano ang gusto mong regalo ko sa inyo sa kasal niyo?" pag-iiba niya ng usapan.
"Magpalit muna kaya tayo? Ako ang aalis papuntang Canada tapos ikaw ang maiiwan dito sa bahay?"
"Sira! Hindi mo na maloloko 'yang mapapangasawa mo kasi hindi na 'yun lasing."
Isang malutong na tawa ang pinakawalan ni Jane.
"Oo nga no? Lasing na lasing ang walanghiya ni hindi alam kung sino ang ka-s*x niya," pranka nitong wika na naiiling. "Madali palang i-setup 'yan sa isang motel tapos taniman ko ng mga ebidensya."
"Ano ba, Jane, ba't ganyan ang pinag-iisip mo?" awat naman niya sa kakambal.
"Joke lang naman. Napakaseryoso mo eh. Basta huwag kaming magpapakialamanan kahit pa kasal na kami no."
Naiiling na lang siya sa inaasal ni Jane tungkol kay Patrick. Sana'y makahanap siya ng lalaking magmamahal din sa kanya kung paano minamahal ni Patrick ang kakambal niya.
Sa araw ng kasal ay doon na lang niya ulit nakita si Patrick. Iniwasan din niya ang ilang dinner sa bahay nila na naroon ang binata. Hindi na rin siya lumapit sa bagong kasal hanggang sa reception. Ang alam niya ay aalis din ang dalawa papuntang Palawan para sa honeymoon.
Masaya ang lahat para sa bagong kasal maliban sa kanya. Bukas ay papunta na siya sa Canada para doon pahilumin ang puso. Isang buwan lang naman ang balak niya. Siguro naman ay hindi ganoon kalalim ang damdaming iniukol niya kay Patrick kaya madali din 'yun mawala.
Kanina pa naiinip si Patrick dahil sa tagal ng seremonyas ng kasal nila. Gustong gusto niya nang makasama ang babaeng mahal niya sa honeymoon nila. Kaytagal niyang pinangarap ang sandaling ito. Napasakamay niya rin sa wakas ang babaeng iwas na iwas sa kanya noon dahil ayaw magpaligaw sa kanya.High school pa lang ito nang una siyang magkagusto. She was jolly and so full of life. Nasa anniversary party sila ng Romano Shipping Line. Noong mga panahon na 'yun ay kaka-break lang niya sa girlfriend niya. Habang nagmumukmok siya sa isang sulok, boses ni Jane ang umaalingangaw sa silid dahil wala itong tigil sa pagbibitaw ng biro sa mga kaibigan niya. Doon nya ito unang napansin.Naging maging magkaibigan naman sila pagkatapos. Pero dahil magkaibigang matalik ang pamilya nila, mas lalong hindi niya mapormahan dahil baka magalit ang Papa nito. Pero inalagaan niya ang damdaming iyon sa puso niya sa matagal na panahon. At nang kulitin siya ng Papa niya na mag-asawa na bago mailipat s
Nagising si Patrick na wala ang asawa sa tabi kinabukasan. Masakit ang ulo niya sa dami ng nainom kagabi. Pero hindi niya malilimutan ang masarap na honeymoon nila ng asawa na itutuloy naman nila sa Palawan mamaya. Nakangiti siyang bumangon at nagtungo sa banyo. Nakita niyang naroon ang mga pinaghubaran ni Jane kasama ang wedding gown nito.Hindi ba't may strap ang bra nito kagabi? Ang nasa banyo ay strapless at wala doong pantyhose. Baka itinapon na ng asawa niya sa basurahan dahil halos mapunit niya iyon sa pagmamadali na angkinin ito.Nang maalala ang nangyari sa kanila sa nagdaang gabi ay nag-init kaagad ang pakiramdam niya. Kung puwede lang ay hindi muna sila bumangon ngayon kung hindi lang wala na si Jane paggising niya. Gusto pa sana niyang kayakap ito dahil hindi pa naman siya nagugutom.Pagbaba niya ay wala ang mga biyenan niya doon. Wala rin si Jane. Tinanong niya sa katulong ang asawa at ang sabi ay maaga itong umalis. Saan naman ito nagpunta?Papasok na siya uli
Bakit hindi mo na naman kasama ang asawa mo?" tanong ng Papa ni Patrick nang dumating siya sa bahay ng mga magulang. As usual, marami na namang dahilan si Jane para hindi sumama sa mga lakad niya. Kanina ay birthday party ng anak ng isa nilang tauhan pero wala ito. Noong nakaraang linggo ay may business conference siya sa Cebu at gusto niya sana itong kasama pero tumanggi ito dahil palagi daw masama ang pakiramdam. "Nahihilo daw ho. Nagkikita-kita naman daw ho tayo sa opisina.""But this is a family dinner, not a conference meeting. Ano naman kung nagkikita tayo sa opisina?" katwiran naman ni Dianne na kapatid niya. Sa lahat ng miyembro ng pamilya niya, ito lang ang hindi pabor sa pagpapakasal niya sa kasintahan. Hindi daw kasi nito nakikita na totoong mahal siya ni Jane. At syempre, mahilig kasi si Jane sa night life na labis naman nitong ikinaaayaw. Mabuti pa daw ang kakambal ni Jane na si Janine dahil mas mabait kausap at mas desenteng tingnan.But he loves Jane despite
Walang imik si Patrick hanggang makarating sila sa sasakyan. Hindi rin niya narinig na nagpaliwanag si Jane. At kahit anong paliwanag ay hindi niya matatanggap. Maliwanag pa sa sikat ng araw na noon pa siya nito pinagtataksilan.Deretso uwi sila sa condo pagkagaling nila sa klinika ng OB-Gyne. Pigil na pigil niya ang sarili na magalit dahil baka kung ano ang magawa niya sa asawa. Buntis pa naman ito ngayon. Tinungo niya ang balkonahe para huminga nang malalim dahil gustong sumabog ng dibdib niya sa matinding galit.Naramdaman niya ang yabag ni Jane palapit sa pinto. Ayaw sana niyang lumapit ito. Ayaw niyang makipag-usap. Pero marami din siyang katanungang kailangang bigyan ng kasagutan."Sino ang ama ng dinadala mo?" mahina pero madiin niyang tanong."M-my boyfriend...""Your boyfriend?!" Hindi niya napigilan ang sarili na lumingon. Mataas pa rin ang noo nitong parang gusto pang magmalaki sa kanya. "Ako ang mapapangasawa mo noon pero may tinatawag kang boyfriend?!""O-on a
"Bakit ba ayaw mong sagutin ang tawag ng kapatid mo? Baka importante na ang kailangan sa 'yo?" wika ni Rhea Lyn sa kanya na kasama niya sa trabaho. Isa itong pre-school teacher habang siya ay nagtuturo naman ng Filipino Language sa Canada. Iyon ang naging trabaho niya sa loob ng halos tatlong taon. Nabubuhay na siyang maayos at tahimik dito sa Toronto kasama dalawang taong gulang na anak na si Pierre Jace Edejer. Sa tulong ng mga kaibigan, nairaos naman niya ang panganganak doon at pamumuhay bilang isang single mother. At mabuti na lang talaga dahil malaki ang ipon niya. Habang ipinagbubuntis pa lang niya si Jace ay sobrang nahirapan na siya sa paglilihi.Tumanggap siya ng kung ano-anong home-based jobs nang maipanganak niya si Jace. Hindi naman na kasi siya tumanggap ng perang galing sa Pilipinas dahil umiiwas na siyang makipag-usap kay Jane at sa Mama niya. Noon pa siya pinauuwi pero hindi puwedeng bitbit niya ang anak niya at magulantang ang lahat. Hanggang ngayon ay wa
Parang gustong umatras ng mga paa ni Janine nang bumaba sila ng anak sa eroplano ng Ninoy Aquino International Airport. Labag talaga sa loob niya ang umuwi. Pero katulong na ang tumawag sa kanya nang kailangan ulit isugod ang Mama niya sa ospital dahil daw sa paninikip ng dibdib. Hindi makontak ng mga katulong si Jane at naiwan pa ang anak nito sa bahay na hindi puwedeng iwanan ng mga katulong. Kung ano ang nangyayari sa kapatid niya ay hindi niya alam. "Iwanan mo na lang muna sa condo si Jace kung kailangan mong pumunta kaagad sa ospital," wika ni Rhea Lyn sa kanya nang sumakay sila sa taxi. Sa condo na pag-aari ni Dennis sila makikitira pansamantala habang wala pa siyang nahahanap na apartment. Sa susunod na linggo pa makakauwi ang kaibigan nilang iyon dahil hindi kaagad puwedeng umalis sa trabaho. Sila ni Rhea Lyn ay wala ng commitment sa Day Care Center dahil bakasyon na ng mga estudyante."Okay lang ba sa 'yo?" "Of course! Kailan ba ako tumangging kasama ang batang ito
Hindi kaagad nakasagot si Janine kay Patrick. At kung natulala man ang dalaga sa presensya niya, siya man ay namangha sa nakitang ganda nito na hindi niya inaasahan. O sadya na itong maganda noon pa pero hindi lang niya inaasahan na may kung anong damdaming umusbong sa pagtatama ng kanilang mga mata. Bukod sa muputi pa itong lalo, natuto na itong maglagay ng makeup kahit manipis. Pero hindi lang iyon ang dahilan kung bakit iba na ang tingin niya kay Janine ngayon. He was looking at her with desire. Na hindi dapat dahil hipag niya itong maituturing.Bukod pa sa may kasalanan itong dapat niyang singilin ngayon."P-patrick..."Gusto niyang ipilig ang ulo sa init na bumuhos sa kanya pagkarinig sa malambing nitong boses. It reminded him of that night he was taking her. Tila ganito nito inusal ang pangalan niya. At sa kaisipang iyon ay hindi nya naiwasan ang pamumukol sa bagay na nasa pagitan ng hita niya.H'ly sh't."Why is my daughter crying?" Ikinunot niya ang noo bago palagit
"Nahihilo na 'ko sa 'yo. Puwede ka bang pumirmi muna sa sofa?" wika sa kanya ni Rhea Lyn. Pagkatapos niyang makausap ang ina ay hindi na siya tinantanan ng lakas ng tibok ng dibdib niya. Wala siyang nagawa kung hindi ang pumayag na palitan si Jane sa posisyong nilayan nito sa Romano Shipping Line. Wala naman kasing ginawa ang Mama niya kung hindi ang konsensyahin siya na tinakasan niya ang responsibilidad sa pamilya nila nang magpunta siya sa Canada."Bakit kasi ayaw akong sagutin ni Jane kahit saan ko siya kontakin?""Kasi nga mapipilitan ka lng sigurado tulad ng nangyari kanina. At bakit ba kasi inaaksaya mo pa ang oras mo d'yan sa kapatid mo? Kaya ka nga umuwi dito kasi pumapayag ka na, hindi ba?""Oo nga... pero---""Pero nakita mo si Patrick kanina kaya nawindang na naman 'yang puso mo kaya gusto mo ulit tumakas?""Anong sinasabi mo?" pag-iwas niyang sagot. "Oh, c'mon, Janine... Sinabi mo lang na nagkita kayo ni Patrick sa bahay ng Mama mo pero ayaw mo nang magkwento ng i