Chapter Fourty-Three

Olivia

Halos tatlong oras din silang naghanda para sa tanghalian. Inilabas lang lahat ng pagkain sa bandang swimming pool area upang doon kumain habang nagtatampisaw sa ilalim ng mainit na araw.

Habang pinapanood ko sila, ang saya-saya nila. Para bang walang mga iniindang problema. Habang tinitignan ko sila, biglang pumasok sa isip ko si Lloyd. Ang kaniyang mukha bago siya umalis ng bahay.

Bigla ko tuloy naisip, nasaan nga kaya si Lloyd sa mga oras na ‘to? Hindi ko alam kung nasa opisina siya kasi parang imposible naman na nandito sa bahay si Daddy Richard at nagsasaya habang wala ang panganay na anak niya.

Kasalukuyan akong nakaupo sa may gilid ng swimming pool habang ang mga paa ko’y nakalublob sa tubig. Komportable akong dahan-dahang iginagalaw ang mga paa ko habang nag-iisip nang kung ano-ano.

Habang nakaupo ako at nag-iisip, hindi ko namalayang tumabi pala sa akin si Matthew. Naupo siya sa bandang kanan ko at inilagay din ang kaniyang mga paa sa tubig.

“Mukhang malalim yata ang i