Chapter 36

Naiwan siyang natigilan. Hindi nga siya nagkamali sa hinala. At ang lakas pa ng loob na sabihan siyang layuan si Astin. Sino ba ito para sundin niya? Wala itong alam sa nangyayari sa kanila ni Astin ngayon. Hindi si Elisa ang puwedeng magdikta sa kaniya, kung anong gagawin.

Alam kaya ni Astin ang nararamdaman ni Elisa? Kailangan nilang mag-usap ni Astin 'pag magaling na ito. Ayaw niya ng ganitong relasyon. Hindi niya alam kung totoo nga bang siya talaga ang nais ng binata. Hangga't may babaeng nakapaligid dito ay hindi siya matatahimik. Selfish man, pero ayaw niyang may kahati sa binata. 

Alam niyang mahal siya ng binata. Mas lalong lumakas ang loob niya sa sinabi ni Elisa. Na kaya ito nagpa-assign dito ay dahil sa kaniya. Masaya siya doon. May rason para ipaglaban niya ito. Hindi niya hahayaan si Elisa na agawin sa kaniya ang binata. 

<