CHAPTER 11

HINDI na niya mabilang kung ilang beses na siyang nagparoo't parito sa loob ng comfort room nila na nasa kusina. Hindi siya mapakali. Mabuti nalang at naglakas loob siyang magpaalam kanina para pumunta sa bathroom. Hindi pa niya alam kung paano umakto sa harap ng mga kasama niya. At ngayon nga ay hindi niya alam ang gagawin. Ayaw na niyang bumalik doon pero magtataka ang mga magulang niya lalo na ang asawa niya.

Sa maraming beses na hindi na niya mabilang kung ilan ay humarap siya ulit sa salamin na naroroon. Marahil ay namumutla siya kanina habang kaharap ang taong matagal na niyang hinanap at matagal na rin niyang nakalimutan.

'Nakalimutan mo nga ba siya Olivia?'

Marahil ay hindi..

Hindi niya nakalimutan pero mas pinili niyang kalimutan na lamang si Johann. Pero ano itong pagbibiro ng tadhana na kung kailan inilagay na niya ang alaala ng lalaki sa pinaka gilid ng kanyang puso't