Chapter 9

Nakayukong pumasok si Avaluan sa bahay. Hindi niya matingnan ang kaniyang stepdad matapos ang nangyaring tagpo kanina. Natatakot siyang baka bigla na naman itong magwala at saktan siya.

Kahit na araw araw siyang bug.bugin nito ay hindi ibig sabihin no’n na hindi na siya nasasaktan. Sa tuwing dadapo ang palad o kamao nito sa kaniyang mukha ay para siyang mawawalan ng malay.

Ngunit laking gulat niya nang hindi ito galit. Bagkus ay mahinahon pa ito nang magtanong. “Paano mo nakilala ang babaeng ‘yon?”

Nilaro niya ang kaniyang mga daliri. “Sa Impero Bar po.”

Sinamaan siya ng tingin nito. “Bar?” Napasinghal si Ryan. “At pa-bar-bar ka na lang ngayon. Imbis na umuwi ka nang maaga at tumulong dito sa bahay, nagagawa mo pang mag-bar? Pareho kayo ng nanay mo. Hindi mapirmi sa bahay!”

Hindi nagsalita si Avaluan gaya ng palagi nitong ginagawa. Nakinig lang ito sa mga sinasabi niya. Ngunit hindi niya inaasahang hindi nito titigilan si Stephanie.

“Mag-iingat ka sa babaeng ‘yon.” Nakatitig siya sa b