Chapter 24

Wala akong ibang maramdaman sa mga oras na ito kung hindi kaba. Unang beses ko pa lang s'ya nakita ngayon, at masasabi kong nakakatakot ang awra n'ya. Parang nakakatakot magkamali kapag kausap s'ya.

Ibinaba nito ang tasa matapos n'yang sumimsim dito, na hindi ko manlang narinigan ng kahit konting ingay. Kanina pa ako hindi mapakali sa aking kinauupuan, lalo na kapag napapatingin ito sa gawi ko.

"So, you're Ivory, my son's secretary?" nagtindigan ang mga balahibo ko sa katawan nang marinig ko na ang kanyang boses.

"O-Opo, m-ma'am..." kinakabahan kong sagot.

"And the one who turned down my plan for my son..." biglang tumaas ang isa nitong kilay na lalong nagpataray sa mukha nito, umismid pa ito na ipinagtaka ko. "Mansyon na, naging kubo pa. At ikaw pa talaga ang umayaw?" tinging nakakainsulto ang ipinukol nito sa'kin. Ang mga kamay ko na nasa kandungan ko sa ilalim ng lamesa ay kumuyom dahil sa narinig.

"Mawalang galang na po, pero Secretary po kasi ang ipinasok ko sa trabaho. Hindi p