Chapter One-hundred Fourty one

[Crystal]

“Ano ang ibig mong sabihin na hindi mo sinama si Noah pauwi sa Denmark?”

Nabigla ako sa tono ng pananalita ni Blade sa akin. Tila galit ito at halata ang pagkainis sa akin. Punong puno ng desperasyon ang mga mata niya at ramdam ko ang pagkadismaya niya.

Siguro, ay galit talaga si Blade sa ginawa ko.

“H-Hindi ko siya mapipilit na bumalik dito, Blade. Si Noah ang nag-desisyon na manatili sa New Jersey ng mga ilang araw pa.” Depensa ko sa sarili ko. “Gusto niyang ayusin ang relasyon nila ni Trina bago siya bumalik dito.  At hindi ko alam kung ilang araw pa ang aabutin bago mangyari ang bagay na iyon.  Hindi ako sigurado kung ano ang mga pwedeng mangyayari doon. Ngayon, balisa si Noah, mahirap siyang makausap dahil sa pagkatulala niya. Malalim ang iniisip niya dahil sa pagaaway nila ni Trina. Wala na akong nagawa kung hindi ay ang pabayaan na hindi muna siya sumama sa amin ni Liam pabalik dito. Kilala mo si Noah, mayroon