Chapter Thirty-five

“Anong ginagawa mo dito!?” nagtatakang bulalas ko.

“You're finally awake.”

Namilog ang aking mga mata dahil para bang ako lang ang nagulat sa aming dalawa. Unti-unting lumipat ang tingin ko kay Noah, na humakbang palapit kay Blade.

“T-teka, bakit siya nandito? Hindi ba nasa panig siya ng mga Spencers?”

Nalaglag ang panga ko nang iangat ni Noah ang kanyang braso para ilagay sa balikat ni Blade at akbayan siya.

“Ako ang una niyang pinaglilingkuran bago pa siya pumasok sa mga Spencers. Isa pa, buo ang tiwala ko kay Blade dahil siya ang pinaka-tapat kong tao.”

Napaismid ako. “Huh? Kailan pa?”

“Three years ago.” Bahagyang tumingin sa kanya si Noah bago lumingon muli sa akin. “It's such a long story na hindi mo na kailangang malaman pa. Ang mahalaga, nandito si Blade at tinutulungan niya tayong makakuha ng insights sa lungga ng mga taong nilagay ka sa kapahamakan.” bumitiw si Noah kay Blade at saka ay lumakad pabalik sa upuan.

<