Chapter 12

Pagkaalis ni Gerald ay agad akong gumayak. Papunta na ko ngayon sa ospital kung saan naka-confine ang kakambal ko. Kinakabahan ako. Ito ang unang beses na magkakaharap kami ng gising siya. Naabutan ko si Mama sa labas ng kwarto na kausap ang isang doctor.

"Mama..."

"Jessica, nandito ka na pala." Bumaling siya sa Doctor na kausap niya. "Doc, sige po salamat." Nung makaalis na ito ay muli akong

"Kailan pa po siya nagising?"

"Kanina lang. Alam na niya ang lahat dahil sinabi ko. Alam na niya na natuloy ang kasal sa tulong mo. Bukas ay maaari na siyang lumabas sabi ng doctor ay maganda ang responses niya, maganda din ang resulta ng mga test niya." Lalo akong nakaramdam ng lungkot. Hindi dahil magaling na ang kakambal ko, pero dahil huling araw ko na bukas sa piling ni Gerald.

"Pwede na po ba akong pumasok?"

"Oo sige hinihintay ka niya, kaaalis lang ng papa mo, nagkasalisi kayo." Pinihit ko yung pintuan at bumungad sakin ang kakambal kong nakaupo at nakasandal sa headboard ng hospital bed.