TCC #17.1 Don Alexander's Crib

Nagdadalawang isip si Celine na bumaba sa sasakyan. Nasa tapat na siya ng gate ng mansyon ni Don Alexander. She’s tapping her hands while holding the car’s steering wheel. Sumandal siya sa upuan bago nagpakawala ng isang malalim na buntong hininga. Kinuha niya ang kanyang cellphone at idinayal ang numero ng kanyang Tatang Clenthon. Agad namang sinagot ng kanyang Tatang ang tawag niya.

[ “Anak, kamusta ka na? Miss ka na namin dito. Ang tagal mo na ring hindi dumadalaw. May pera ka ba diyan?” ]

Iniikot ni Celine ang kanyang mga mata bago sumagot sa tanong ng kanyang Tatang. Hindi talaga nawawala sa usapan ang pera sa tuwing tatawag siya.

“Wala pa po akong pera Tatang eh. Natanggal po kasi ako sa trabaho”, pakli ni Celine. Narinig niyang nagmura ng mahina ang kanyang Tatang.