TCC #39.2 Parusa at Katanungan

"Feever, lumaban ka," bulong ni Dustin habang nakasilip sa pinto ng ICU. Sari-saring aparato ang nakakabit sa katawan ng kaniyang stepbrother.

Tinapik ni Celine sa balikat si Dustin at pagkatapos ay niyakap ito.

"Tumahan ka na. Hindi bagay sa'yo ang umiiyak. Magiging maayos din ang lahat," kumpiyansang sambit ni Celine habang hinahagod ang likod ng kaniyang asawa.

"Thank you, Celine. Siya nga pala, anong sabi ng OB? Okay lang daw ba si baby?"

Tumango si Celine at ngumiti.

"Thanks God." Niyakap ni Dustin ang kaniyang asawa at saka pinupog ng halik sa noo.

"Ahm, Dustin, totoo bang maaaring makulong si papa?" nag-aalalang tanong ni Celine.

Tumango si Dustin, "kailangan niyang pagbayaran ang kaniyang mga kasalanan, para sa ikatatahimik ng mga kaluluwa ng kaniyang mga naging biktima … kabilang na ang lolo ni Celestine."

May diin ang bawat salita ni Dustin. Batid ni Celine na mayroong kinikimkim na sama ng loob ang kaniyang asawa sa kaniyang biyenan pero alam niya rin na may natatagong kalu