Bago kami mag-ikot-ikot, kumain na muna kami ng tanghalian sa Jollibee. Dahil medyo napagod kami, naparami kami ng order. Si Gela, um-order ng one-piece chicken na may rice at spaghetti na ala carte. Si Osang naman, two-piece chicken with rice at nag-order din siya ng soup. Ako naman, 'yung combo meal ang in-order ko. One-piece chicken na may rice at spaghetti at burger steak. Ako yata ang pinaka nagutom sa amin. After no'n, nagsimula kaming pumunta sa mga store. Tamang tingin-tingin lang ng mga damit. Sa aming pag-iikot, marami rin kaming nakitang magagandang damit. 'Yon nga lang, libo ang presyo kaya hindi namin afford. Mayroon din namang hundred lang ang presyo pero tipid-tipid muna ang peg namin. Window shopping lang talaga kami.Pagdating naman sa bag section, marami ring magaganda. Nagustuhan ko ro'n 'yung maliit na sling bag na wari mo'y coin purse lang yata ang kakasya dahil sa sobrang kipot ng loob. Naging bet ko rin 'yung back pack na animo'y pang anime character 'yung dati
Hindi ko alam kung ano ang mayroon sa foundation week pero excited ako. Balita ko kasi maraming event na ganap dito sa loob ng unibersidad. 'Di lang 'yon, parang battle of colleges din pala. Ang inaabangan ko talaga ay 'yung laban sa basketball, nangangati na akong makita si Zerudo habang naglalaro."Girl, nag-chat sa gc 'yung president natin, wala raw tayong klase sa mga subject natin ngayong araw, mag-attendance lang daw tayo," maligalig na sambit ni Osang habang tangan-tangan 'yung kaniyang cellphone. Nandito kami ngayon sa mini park sa loob ng school at hinihintay namin si Gela."Truly ba? Oh em, makakapaglibot tayo!" masaya kong sabi. "Winner talaga tayo ngayong araw. Puwede pa tayong pumunta sa iba't ibang college para mag-explore," nakangiting sambit niya pa."At huwag mong kalilimutan, kailangan nating manuod ng basketball at subaybayan ang laro ng mga bet natin," ani ko sabay kindat."Ano pala ang sched ng laro? May ideya ka?" tanong ko."Sorry, girl. Hindi ko rin alam, e. M
Pagkatapos naming kumain at dumiretso na kami sa gymnasium."Hindi mo pa rin ba itatago 'yang hawak mong bulaklak?" tanong ko kay Osang habang binabagtas namin ang daan patungo sa gym."Mamaya na siguro," aniya. Sa tuwing may nadadaanan kaming estudyante, lagi namin napapansin na nakatingin sila sa amin. Maski kami ay nagtataka, hindi rin namin alam kung bakit e wala naman kaming dumi sa aming mukha. Masyado ba kaming head turner kaya pukulan nila kami ng pansin?"Napapansin n'yo rim ba 'yung napapansin ko? Lagi tayong pinagtitinginan ng mga estudyanteng nadaraanan natin?" tanong ko sa kanila."Hays, baka nagagandahan lang sila sa 'kin kaya gano'n," saad ni Osang."Ayan, nagbubuhat ka na naman ng sarili mong bangko," wika ko.Napaisip din bigla si Gela. "Baka dahil sa hawak na bulaklak ni Osang? Baka alam nilang galing 'yung bulaklak sa event kanina?" aniya."Ay, shocks! Nakakahiya nga! Baka iniisip nilang nanuod tayo kanina? Oh em!" saad ko. Dali-daling itinago ni Osang 'yung bulak
Ikatlong araw na, kagaya no'ng mga nakakaraan, nagpatuloy kami sa pag-che-check ng aming midterm exams. Wala si Gela dahil abala siya para sa dance competition niya mamaya. Kami lang ni Osang ang nandito sa klase na magkasangga. About sa art 'yung subject namin at more on memorization talaga ang exam namin dito. Identification, fill in the blanks, multiple choice, true or false, at essay 'yung naging type ng exam namin. Hindi ako masyadong magaling sa pagkakabisa kaya alam kong hindi gano'n kataas ang score ko pero naniniwala pa rin ako na pasado dahil nag-review naman ako.After namin ma-check-an, walang mintis, si Gela ang nakakuha ng pinaka mataas na score. Out of 100, naka 95 siya. Si Osang ay magaling din sa memorization kaya nakakuha siya ng 91 na marka. Ako naman, pasado pa rin; 75 naman ang passing score at 82 ang score ko. Ako ang pinaka mababa sa aming tatlo pero kebs lang. Hindi naman kami nagpapataasan, ang mahalaga ay nakakapasa. Nagtutulungan kami para maiangat ang baw
Nang matapos makapag-perform ng lahat, nagkaroon na muna ng five minutes break para ma-compute 'yung score ng mga hurado. Nanawagan naman 'yung announcer kung sino ang gustong magpamalas ng galing sa pagsayaw at naghanap siya ng limang volunteer.Sa limang 'yon, lahat sila ay pinaakyat sa stage at isa-isa silang nagpakilala. Kumbaga, katuwaan lang at lahat sila ay pinag-sample ng simple moves. Mayroong nagbudots, sumayaw ng spaghetti pababa, at ilang mga sikat na dance moves sa Tiktok. Mayamaya, pinag-showdown silang lima. Todo hataw naman sila ni isa ay walang gustong magpatalo.Hindi ko kinaya 'yung isang babae dahil masyadong malambot ang kaniyang buto. Para siyang nag-a-akrobat sa kaniyang ginagawa. Hindi rin nagpakabog 'yung beklat at tumalon siya sa may baba ng stage at saka nag-split. Naghiyawan ang mga tao dahil sa kaba. Matapos 'yon, dumagundong muli ang ingay sa loob ng venue.Isa-isa ng nagsipagbalikan sa stage 'yung limang kalahok. Sabi ng announcer, ang may pinaka malakas
Ngayon na ang huling araw ng foundation week. Halos lahat naman ng booth ng bawat colleges ay na-explore na namin. Karamihan sa mga sports event, ngayon ang finals. Pero ang pinaka inaabangan talaga ng lahat ay 'yung laban sa basketball. Maski ako, hindi na ako mapakali kung sino ang team na mananalo. S'yempre, ang manok ko ay 'yon pa rin. Sa sobrang excited ko, nagdala ako ng kartolina at pentel pen. Sa pamamagitan no'n, maipapakita ko kay Zerudo ang suporta ko sa kaniya at sa kaniyang grupo. Hindi man niya ako lubusang kilala, at least, I did my part.Nandito ako ngayon sa ilalim ng punong mangga, hinihintay kong dumating sina Gela at Osang. Sa sobrang excited ko kasing pumasok ngayong araw, inagahan ko pa lalo ang pagpasok. Dalawang subject lang naman kami ngayong araw. First subject namin ay 8am kaya 7am pa lang, nandito na 'ko sa school. Hindi ko na nga napanood ang laban nina Zerudo kahapon kaya kailangan kong bumawi ngayon. So ayon na nga, medyo tinamad yata ang prof namin ka
Magsisimula na ang laban, tinawag na ng referee sina Yatco at Zerudo sa gitna para mag-jump ball. Sa paghagis nito ng bola, sabay itong tinalon ng dalawang manlalaro. Mas mataas ang talon ni Yatco kaya siya ang nakatapik ng bola at nakuha naman ito ng team niya. Dali-dali iyong diniribol ni Mr. #7 patungo sa kampo ng kalaban. Agad naman siyang hinarangan ni Zerudo kaya agad niya iyong ipinasa sa kasama niyang naghihintay sa may kaliwa. Mahigpit din ang pagbabantay na ginawa ng CBA team para hindi maka-score ang CoA.Ilang sandali lang, biglang sumugod papasok sa loob 'yung ka-team ni Yatco at inihagis ito sa ring nang walang pag-aalinlangan. Medyo alanganin ang puwesto niya ng pinag-shoot-an kaya ang lahat ay naghihintay kung papaspk ba 'to or hindi. Sa kasamaang palad, dumaplis lang ito sa may ring.Nagulat ako nang biglang may tumalon nang mataas at kinuha 'yung bola sa ere. Iba talaga si Yatco, mataas talaga siyang tumalon kaya hindi siya nahirapang kuhanin 'yung bola."Wahhh! Yat
Para akong binatuta nang paulit-ulit dahil sa pangyayari. Kay sakit isipin na may girlfriend na si Zerudo at wala na talaga akong pag-asa sa kaniya. Sa tuwing tinitingnan ko sila, umiiyak ang aking puso at labis na naghihinagpis. "Tara na, alis na tayo," pagyaya ni Gela.Gusto ko na rin sanang umalis para hindi ko na sila makitang naglalampungan pero may parte rin sa puso ko na ayaw ko pa. Tapos na ang awarding ceremony at pinupunsasan naman ngayon no'ng babae 'yung tumatagaktak na pawis ni Zerudo sa mukha."Huwag mo na silang panuorin, mas lalo ka lang masasaktan," komento ni Osang.Nalulungkot ako na naiinggit, parang gusto kong manakit. Hindi naman tamang magselos ako pero valid naman 'yung feelings ko. 'Yon nga lang, wala akong karapatan dahil wala namang namamagitan sa 'min ni Zerudo. Baka nga puwing lang ako sa paningin niya."Kung hahayaan mo lang ang sarili mo na ganiyan, hindi mawawala ang panibugho sa 'yong puso," turan pa ni Gela.Tama sila, ako lang din naman ang nagpapal