Kabanata 007

Sa loob lamang ng ilang segundo ay parang bumagsak ang isang bomba sa buong paligid. Ang mga camera ay muling bumaling kay Xyrille, ang mga tanong ay lalong naging mapanira.

"So totoo ba?! May relasyon kayo?!"

"Miss Xyrille, kabit ka ba?!"

"Atty. David, hindi ba malinaw ang relasyon mo kay Tim?!"

Sumakit ang ulo ni Xyrille. At naramadaman niyang dumagundong ang tibok ng kanyang puso. Hindi ito totoo. Hindi dapat ito nangyayari.

“Ibaba niyo ang mga camera niyo!, lahat kayo ay magtungo sa conference hall!” pagkasabi noon ni Atty. David ay agad na binaba ng mga reporter ang kanilang camera. Wala ni isang nagtangkang suwayin ang kaniyang sinabi.

Inayos niya ang kaniyang sarili at lumapit siya sa kaniyang Lolo.

“Lolo, tatapusin ko lang ang tungkol sa mga reporter at susunod din ako sa inyo. Isabay niyo na si Xyrille sa inyo.” pakiusap ni Atty. David kay Don Victor, ang kanyang Lolo.

Hindi tumugon ang matanda sa kaniya bagkus isang matalim na tingin ang ibinigay nito sa kaniya, tumalikod sa kaniya saka nagsalita.

“Bilisan mong tapusin ang usaping ito, sumundo ka na sa akin Xyrille, ikaw din Jackie!” pagkasabi noon ay naglakad na si Don Victor papunta sa silid na kanilang kinuha.

Pinagmasdan ni Atty. David ang paglakad nila Xyrille papalayo, matalino siyang tao paanong hindi niya maiintindihan ang nangyari.

Sa kabilang banda kinausap niya ang mga media at hindi naman naging mahirap sa kaniya ang patahimikin ang mga ito. Alam niya kung paano kapitan ang mga ito sa leeg niya at sinigurado niyang walang kahit na isang scoop ang makakalabas tungkol sa nangyaring ito.

Ilang minuto lang ang nakalipas at nagbalik na siya sa silid kung saan naghihintay ang kaniyang lawyer.

Pagbukas niya ng pinto ay naralamdaman na niya ang bigat ng tensyon sa silid na iyon.

Ang bawat hakbang niya ay nag-iiwan ng malamig na bakas sa marmol na sahig, habang ang presensya ng kanyang Lolo na si Don Victor, at ng kanyang tiyahin, si Jackie, ay parang mga tigreng handa siyang subatan anumang oras.

Sa kabila ng tila nakakabinging katahimikan ay nararamdan ni Xyrille ang bigat ng bawat segundo. Nakatayo siya sa likod ni Jackie at nakayuko.

Hiyang-hiya siya sa pamilya ng kaniyang long time boyfriend, nakalimutan na din niya ang narinig niya tungkol sa pagplano ng Mommy ng kaniyang boyfriend na maaring siya ang may kagagawan ng lahat ng nangyayaring gulong ito.

Iniisip din niya ang magiging epekto ng pagsugod sa kaniya ng mga media. Wala siyang nagawa nang sabay-sabay siyang atakihin ng mga ito , na tila ba isa siyang mabangis na hayop na kinulong sa isang sulok. Ngayon, kahit wala na ang mga camera, pakiramdam niya ay hindi pa rin siya nakatakas.

"Ibaba niyo ang mga camera niyo! Lahat kayo ay magtungo sa conference hall!" Iyon ang mahigpit na utos ni David sa mga reporter kanina, at wala ni isang nagtangkang sumuway sa kaniya.

Malamig ang tingin ni Jackie nang lumapit ito sa pamangkin. "Ano David, hindi ka pa ba magsasalita? Nakita mo Papa, hindi na nirespeto ng apo mong yan ang karelasyon ng kaniyang pinsan. Napaka-walahiya. Hindi na niya inisip ang magiging resulta ng ginawa niyang ito. Kinuha niya ang puri ni Xyrille, bukod doon ay gumawa pa siya ng matinding ingay sa mga media!” 

Napatingin si Don Victor kay Xyrille at nakita niya itong takot na takot at nakayuko.

Hindi pinansin ni Atty. David ang anumang patutsada ng kaniyang tiyahin at pilit syang nagpa-ka-kalmado sa sitwasyon na lalong ikinasiklab ng galit ni Jackie. Bahagya niyang pinisil ang kaniyang sintido saka nagsalita ng buong paggalang sa kaniyang Lolo. 

"Huwag na kayong mag-alala Lo tungkol sa mga media dahil nakapitan ko na sila. Maari ko silang kasuhan ng slander at patitindihin ko pa ito kung sakaling may lumabas na kahit na isang scoop tungkol sa nangyari ngayong araw.”

Pagkatapos noon ay agad na nagsalita si Jackie “sige, sabihin na nating naayos mo ang tungkol sa media, pero ang ginawa mo kay Xyrille? Sa tingin mo tamang lapastanganin mo ang pagkababae niya? Hindi ka na nahiya sa pinsan mo! Attorney ka pa naman pero wala kang utak! Akala ko ba alam mo ang batas? Anong silbi ng pagiging top natcher mo?! Tsh.. kung sabagay hindi na ako magtataka dahil hindi mo nga natulungan ang kliyente mong kilalang tao, at ngayon hinuli sa ibang lugar. Tsss…” mapang insultong sabi ni Jackie sa kay Atty. David. “Hindi mo pa ba nabalitan Pa? Ang nangyari sa kaniyang kliyente na kinuha sa bansa at dinala ng ibang bansa? Paano na ang kredebilidad ng mga Loyola. Hindi pa nga niya nababawi ang kahihiyang dulot noon sa ating pamilya at ngayon isa na namang issue ang ginawa niya!” mapait na sabi ni Jackie habang nagpapaliwanag sa matanda na animo’y siguradong sigurado siya na may nangyari nga sa dalawa.

Nang marinig iyon ni Don Victor ay nagulat siya ngunit matatag ang kaniyang tinig na nagsalita.

“Oo narinig ko na ang tungkol diyan kanina, tinawagan na ako ng kumpadre ko! Saka na namin pag-uusapan ni David ang tungkol sa issueng iyan.” pagkasabi niya ay bumaling siya ng tingin kay Atty. David at malakas na sumigaw “sige sabihin mo sakin, anong nangyari dito?”