Kabanata 006

“Sa abot ng aking makakaya, Yes! Kahit pa umabot ang lahat sa korte ay sasamahan kita!” diretsong sagot ni Atty. David

“Okay, at kung papayag ako ano naman ang mga kundisyon mo sakin?” tanong ni Xryille ng walang kagatol gatol.

tanong ko sa kaniya ng walang pag-aalinlangan.

“Hindi ako hihingi ng kahit na anong kundisyon. Gusto ko lang patunayan sayo na hindi ko tatakbuhan ang responsibilidad ko sa ginawa ko sa’yo. Anumang oras ay malalaman na ng buong Loyola Clan ang nangyari sa atin. Hindi kita iiwan sa ere. At kung papayag ka ibibigay ko ang anumang hilingin mo!” walang ka gatol gatol na tugon ni Atty. David.

Lalong naguluhan ang utak ni Xyrille. Sa totoo lang isang bahagi ng utak niya ang gusto ng pumayag pero ang kabilang panig ay naiisip niya si Tim.

Aminado siyang nagalit siya sa pamilya niya dahil pag-uwi niya ay nabaliwala ang lahat ng kaniyang pinaghirapan abroad at walang naipundar para sa sarili niya, at pagkatapos ay nagawan pa siya ng  kawalang hiyaan ang kaniyang step-brother at bruhang step-mom. Kaya lang sa tuwing maiisip niya ang ginawa ng Mommy ni Tim ay hindi siya makapag-move on. Sumisiklab na naman galit sa kaniyang puso.

Oo galit si Xyrille kay Tim sa ginawa nitong biglaang pag-alis pero tingin niya ay mas malaking gulo kung magiging asawa niya si Atty. David.

“Hindi ko alam. Gusto kong mag-isip” pagkasabi noon ay humakbang siya ng dalawang hakbang pasulong ng biglang magsalita si Atty. David.

“Huwag kang mag-alala dahil anuman ang kasong ihabla sa akin ng pamilya mo ng dahil sa nangyari ay tatanggapin ko, pati na ang mga taong naghihintay sa labas ng pintuang ito na siyang magiging saksi, ako na ang bahalang magpaliwanag sa lahat. Huwag kang magbibigay ng kahit na anong komento. Akong bahalang kumuha sa lahat ng paninisi. Madaming mga media ang imbitado sa party ni Lolo at ngayon sigurado akong may mga tip na sa kanila na ako si Atty. David Loyala ay kasama sa kwarto ang long time girlfriend ng aking pinsan. Malaking scoop ito para sa kanila. At ako na din ang bahalang umayos nito sa pamilya ko, sasabihin kong pinilit kita.”

Natigilan si Xyrille, sa isip niya. Ibang-iba ang Atty. David na maamong nasa harapan niya ngayon kaysa sa Atty. David na pinsan ni Tim na palagi nitong kinukwento sa kaniya.

Palagi siyang binababalaan ni Tim na huwag masyadong lumapit kay Atty. David para maiwasang maging komplikado ang buhay. Isa iyon sa dahilan kung bakit natakot siya ng malaman niya ang nangyari ngayon. Si Atty. David ay kinakatakutan sa kanilang pamilya, dahil isa siya sa walang puso, matapang, walang awang nagpapadala sa kulungan ng mga tao, may kasalanan man o wala .

“Tshh masyado ka namang nag-o-overthink. Sino naman ang mag-aabalang maghintay na lumabas ako sa kwartong ito?!”

“Sige, go ahead. Pero anuman ang mangyari nandito ako, huwag kang magsasalita, akong bahala sa lahat.”

Tahimik ang silid. Ang tanging maririnig ay ang mahinang tunog ng aircon at ang malalim na buntong-hininga ni Xyrille. Ang tensyon ay mabigat na parang nagkukulong ng hangin sa loob ng kwarto.

Matapos ang matagal na pag-uusap nila ni Atty. David, tuluyan na siyang naglakad papunta ng pintuan. Hindi niya maintindihan kung bakit biglang pumintig ang kaba sa kaniyang puso, gayun pa man ay nagpatuloy pa rin siya nang paglalakad paalis.

Pagbukas niya ng pinto, isang nakakabinging ingay ang biglang sumabog sa paligid.

"Miss Xyrille! Miss Xyrille! Ano ang ginagawa mo sa loob ng kwarto ni Atty. David?!"

"Ikaw ba ang bagong babae niya?!"

"May relasyon ba kayo?!"

“Miss Xyrille, hindi ba ang boyfriend mo ay si Tim Loyola? Ang nakababatang pinsan ni Atty. David?”

“Totoo ba yun Miss Xyrille? Kung gayun anong nangyari ngayon?”

Parang isang demonyong buhawi na biglang sumugod ang mga reporter at hawak ang kanilang mikropono at mga flashing cameras na halos ipagduldulan sa kanyang mukha. Daan-daang tanong ang bumaha kay Xyrille, bawat isa ay may matalim at mas mapanira kaysa sa nauna.

Nablangko ang isip ni Xyrille. Napaatras siya at pilit na iniiwasan ang nakakasilaw na ilaw ng mga camera. Hindi niya alam kung saan siya titingin. Ang dami nilang naroon hindi lang isa, hindi lang dalawa. Sila ay parang gutom na gutom na mga buwitre at handang lapain siya ng buhay.

"Hindi ko alam…hindi ako…" Pinilit niyang magsalita pero ang boses niya ay nalunod na sa ingay ng media.

Sa isang iglap, naramdaman niyang may humawak sa kanyang braso. Napalingon siya at nakita si Atty. David na nakatayo sa kanyang likuran. Ang mukha nito ay walang emosyon, ngunit sa likod ng malamig nitong tingin ay may tensyon na hindi niya maipaliwanag.

Pero bago pa siya makapagsalita ay isang matinis at galit na tinig ang pumailanlang sa pasilyo.

"Ano ‘tong kaguluhang ‘to?!!”

Lahat ng reporter ay biglang tumahimik at ang ilan ay napaatras.

Isang babae ang mabilis na sumugod at ang kanyang matatalim na mata ay nagbabaga sa galit. Ang kanyang postura ay hindi matitinag, at ang kanyang presensya ay nagdala ng malamig na hangin sa buong pasilyo.

Pagtingin nila ay ang Mommy ito ni Tim, kasama ang Lolo ni Atty. David.

“Anong pinagsasabi ninyo?!" galit niyang sigaw sa mga reporter. “At ikaw, Atty.David, anong ibig sabihin nito?! Bakit nandito si Xyrille sa kwarto mo?!”