Chapter 19: Back Off

Josh Rain Montez

Malakas ang bawat pagkabog ng dibdib ko habang patuloy akong nagmamaneho ng aking sasakyan. Sampung araw dapat ako sa Samar pero dahil natapos naman ng maaga at maayos ang mission ng foundation namin doon ay umuwi na kami kanina.

Sa bahay sa Las Piñas ako dumeretsyo dahil nandoon din ang sasakyan ko. At ngayon nga ay kasulukuyan akong bumabyahe patungo ng Biñan… patungo kay Yannie.

Sa ilang araw ko sa Samar, ay hindi nawala sa isipan ko si Yannie. Sinubukan kong libangin ang sarili ko doon at i-focus ang sarili ko sa mga bagay na ginagawa ko, pero sa tuwing nababakante ako, siya na naman ang sumasakop ng buong isipan ko. Hindi maalis sa isipan ko ang mga mata niyang lumuha nang dahil sa akin. At sa bawat paglipas ng oras at araw ay para bang nasasabik ako na makausap o makita siya. Kaya naman sa tuwing may pagkakataon ako para makahanap ng signal sa probinsyang iyon ay ginagawa ko. At sa tuwing nagkakaroon naman ng signal ang cellphone ko ay si Yannie agad ang unang k