CHAPTER 19

Pagkatapos nilang maibigay ang regalo sa inaanak, sabay silang umuwi sa bahay nila ni Paulyn.

"Hon, sa condo kana mag stay habang wala pa sila nanay," ungot n'ya sa dalaga.

"Zachary naman eh, ang pangit kayang tingnan! Ano yan mag live-in na tayo?" pairap na sagot nito sa kan'ya.

"Nag aalala lang ako sayo na mag-isa ka lang sa bahay n'yo. Sa condo ko safe ka at fully guarded ang lugar, mapapanatag ang loob ko kung iiwan kita mag isa sa bahay," giit n'ya pa sa dalaga.

"Ok lang ako sa bahay, sanay naman ako sa lugar namin," katwiran ng nobya.

"Sanay ka nga pero mag isa ka lang, I won't take the risk Jessica Paulyn. Babae ka at mag-isa ka lang sa bahay n'yo, hindi kita hahayaan na doon ka uuwi habang wala pa si nanay at Joshua," seryosong sabi n'ya sa dalaga.

Inihinto n'ya muna ang sasakyan sa gilid ng daan at hinarap si Paulyn.

"Can i borrow your phone?" tanong n'ya rito. Napakunot noo naman itong tumingin sa kan'ya.

"Bakit?" nagtatakang tanong nito.

"Pahiram lang saglit," sagot n'ya.