Chapter 03: The Girl in Red

Chapter 3

SA labas ng 3D Coffee Shop, isang itim na Rolls-Royce ang nakaparada sa harap nito.

Sabay na napalingon ang drayber at assistant sa passenger seat, isang marangal na lalaki ang nakapikit roon.

Ang lalaki ay may maitim na buhok, makapal na kilay, at maputla at malamig na kutis. May matangos na ilong na mas lalong nagbigay sa kaniya ng angking kaguwapuhan, at ang kanyang mga labi ay natural na matingkad na pula at manipis. Sa totoo lang, guwapo pa siya sa mga male lead sa Kdrama at Cdrama. 

Habang nakapikit ay napanaginipan na naman ni Brielle Sebastian ang kaakit-akit at mamasa-masang gabing iyon.

Mga hitang ala labanos sa puti, hindi malinaw na paghingal, mabilis na paghinga, putol-putol na mga ungol na lumalabas mula sa kanyang mapupulang labi.

Aksidente ang gabing iyon, ngunit nagdala ito kay Brielle ng isang alaala na kailaman ay hindi niya malilimutan.

It was his first time. Tungkol sa seks hindi siya inosente pero concervative si Brielle. Kapag nakipagrelasyon lalong-lalo na ang makipagtalik sa isang babae, aako na siya ng responsibilidad para dito.

Nang gabing iyon, nakiisa siya sa anumang gawain na dapat ay sa magkarelasyon lang nagaganap.

Ginugol nila ang gabi na magkasama, lumalagablab sa init at nagkaisa.

Plano sana niyang makipag-usap nang maayos sa babae tungkol sa kasal kinabukasan, ngunit nang magising siya, wala na roon ang babae.

Nakita na lamang niya sa mesang kulay pula, ang isang barya. 

“Piso?”

Inis siyang napatawa. Iyon ba ang halaga ng serbisyo niya? Sa panahon ngayon wala ng halaga ang piso. Isang malaking insulto iyon sa kaniya bilang lalaki. 

Gusto niya itong hanapin at tanungin nang personal.Sa kasamaang palad, hindi niya ito mahanap.

Wala ding record ang CCTV ng hotel mula sa araw na iyon dahil nasira umano.

Hinanap ni Brielle ang babaeng iyon sa loob ng isang buong taon, ngunit hindi pa rin niya ito nataatagpuan.

Isang buntong-hininga ang kumawala sa kanyang manipis at mapupulang labi, at ang kanyang mahaba at tuwid na mga pilikmata ay gumuhit ng isang kaaya-ayang anino sa hangin habang iminumulat ang kanyang mga mata.

Ang assistant, na alam agad ang sitwasyon, ay alertong binuksan ang pinto ng kotse, at naglakad papunta sa likuran, saka binuksan ang pinto ng kotse, saka inilagay ang palad sa bandang itaas bilang alalay sa ulo ng amo bago ito lumabas sa kotse.

Narito siya ngayon sa harap ng Coffee Shop upang makita ang babaeng pilit ibinlind date ng lola niya.

ILANG sandali pa pagpasok ng lalaki sa naturang coffee shop ay may dumaang babae sa tapat ng Rolls-Royce.

Nakasuot ito ng isang simple pero eleganteng red dress, ang balat niya'y tela nagrereflect sa sinag ng araw na tumatama rito, at ang kanyang makapal, mahaba, at kulot na buhok ay nagniningning. Ang kanyang kaakit-akit na mukha ay nakamamangha, walang kahirap-hirap na nakahigit sa lahat ng mga artista at modelo sa magazine at telebisyon.

“Wow, tingnan mo! May magandang babae roon, grabe para s'yang si Kristine Hermosa, ala goddess ang dating niya. Tipong kaya niyang pabagsakin ang isang kaharian sa isang kisapmata lang.”

Sa loob ng Rolls-Royce, itinuro ng drayber si Janella at ipinakita ito sa kasama na nasa tabi 

Tumingala ang assistant, nanlalaki rin ang mga mata sa pagkamangha sa nakamamanghang kagandahan ng babaeng itinuro ng kasama.

“Ang ganda nga!”

Sa tindig pa lang ng babae, halatang may mataas itong katayuan sa lipunan gaya ng kay Brielle. Marami na silang nakitang socialites, at mga maharlikang babae, at nakakita na ng lahat ng uri ng magagandang babae, ngunit wala ni isa sa kanila ang kasingganda ng babaeng nasa harapan nila.

Kakaiba ang ganda ng babae, may mapang-akit na mga mata at kaakit-akit na pang-akit. Ang kanyang pulang palda ay sumasabay sa ihip ng hangin, at siya ay parang isang apoy na handang lumiyab at tumupok sa mga taong mangmaliit sa kaniya.

Tulad ng nakabibighaning adarna na may magandang boses kapag ito’y umawit. 

“Pero uy, ang ganda niya ah, malabong hindi siya magustuhan ni boss sakaling siya ang makakablind date niya.”

Habang nakatingin sa babaeng nasa labas, sumagot ang assistant, “Ayaw ni boss ng ganiyang uri ng babae. Mas gusto niya ang mga babaeng inosente at mahinhin. Isa pa, ang pula ang pinakaayaw ni boss.”

Bilang may karanasan na at may asawa, napangiwi ang drayber, “Hindi porke hindi mo type ang isang babae, hindi mo na siya matitipuhan. Kung talagang makakakilala ka ng isang taong gusto mo, wala kang pakialam kung bungi, pilay o p**e siya, magkakagusto at magkakagusto ka rin kahit hindi sila ang tipo mo.”

Kumibit-balikat ang kasama, “Okay, Ano taya? Pusta ako na ang ka-blind date ni boss ngayon ay parang mga chives sa bukid tuwing taglamig—parang bulaklak na namumukadkad pa lang.”

“Hindi ako sigurado pero malakas ang kutob ko na magtatagumpay na si boss sa blind date n'yang ito. Pero mas okay sana kung ang babaeng iyan ang katagpo niya.”

Matagal nang naninilbihan ang assistant kay Brielle, kaya naniniwala siyang kilala niya nang husto ang amo kaya't lubos siyang kumpiyansa sa pustahan nilang ito.

“Sige. Pustahan na lang tayo. Kung sino ang matatalo dapat magbabayad ng sampong libong peso. So ano, pupusta ka ba?”

Taas at may kumpyansang tumango ang drayber. “Game.”