Chapter 02: Her Rebirth

Chapter 2

Bumalik si Janella sa kanyang condo at itinapon ang bote ng pekeng bitamina sa basurahan.

Gusto niyang pumayat! Gusto niyang maging maganda! At bumalik sa dati niyang pangangatawan. 

Gagantihan niya nang sampung beses ang mag-inang iyon sa lahat ng ginawa nila sa kanya!

Hindi siya nag-shortcut sa pagbabawas ng kaniyang timbang. Kinontrol niya ang dalawang bagay na hirap ang nakararami. Nagdiyeta siya at nag-ehersisyo.

Maraming tao ang sumubok, ngunit iilan lamang ang talagang gumagawa at nagtagumapay.

Mahilig talaga siya sa hot pot, fried chicken, barbecue, at potato chips, pero sa loob ng isang buong taon, ni minsan ay hindi siya nangahas na kainin ang mga iyon.

Kapag nagugutom siya uminom siya ng tubig; kapag may gusto siya, naghahalughog siya and last but not in the list, nagsisipilyo siya pagkatapos kumain to help lessen her cravings.

Sa araw-araw na ginawa ng Diyos ay nagugutom siya. Nagisising siya sa kalagitnaan ng gabi dahil sa gutom, niyakap nalamang niya ang kaniyang kumot at umiiyak, nagmamatigasan na ayaw kumain kahit isang subo.

Bukod pa rito, gumagawa siya ng aerobic exercise, strength training, at body shaping araw-araw.

Nag-jo-jogging tuwing umaga, umaakyat sa burol o kaya sa hagdan nang walang laman ang tiyan, swimming, cycling, squats, push-ups, planks, at Pilates extensions.

PAGKALIPAS ng isang buwan, tumuntong si Janella sa timbangan at tumimbang ng lagpas 70 kilos.

Lumipas pa ang dalawang buwan, tumuntong uli si Janella sa timbangan at tumimbang ng mga 64 kilo.

Pagkalipas ng tatlong buwan, muli.syang tumuntong sa timbangan at tumimbang ng at naging 60 kilos na lang siya.

Pagkalipas ng apat na buwan, tumuntong muli siya a timbangan at tumimbang ng 54 kilos.

Habang lalo niyang sinusubukang magbawas ng timbang, lalo itong nagiging mahirap.

“Ayos lang, ituloy mo lang! Makukuha mo din ang goal mo balang araw!” pag-cheer up pa sasarili.

Gagamitin niya ang lahat ng kanyang makakaya para makamit ang isang napakalaking tagumpay!

Gusto niyang lahat ng paghanga at mga salita ng papuri ay nakatuon sa kanya!

Gusto niyang sabihin sa buong mundo na kaya niyang manalo!

Pagkalipas ng anim na buwan, tumuntong si Janella sa timbangan at tumimbang ng 51 kilos. Malayo pa pero malayo na. 

PAGKALIPAS ng isang taon, tumuntong uli siya sa timbangan at sa wakas ay nakamit na niya ang kilong minimithi niya. Siya ay 49 kilo na. Payat oo, pero healthy naman siya dahil nasunod niya ang lahat, at hindi siya umabuso.

Matapos niyang pumayat, nanlaki ang kanyang mga mata habang tinitingnan ang sariling repleksyon sa salamin, mas naging malinaw ang kanyang ilong, nawala ang kanyang doble chin, luminaw ang kanyang panga, napakagaan ng kanyang pakiramdam kapag naglalakad, at kaya na niyang isuot ang anumang damit na gusto niya.

Sa pagbabawas ng timbang ay isa na ring uri ng desiplina. Kailangan mo lang gawing tama at huwag madaliin ang proseso.

Noon pa man ay mahilig na si Janella sa kulay pula.

Red symbolize, happiness, light,and positivity.

Dati, hindi siya kailanman nangahas na magsuot ng pulang damit kapag lumalabas siya, dahil natatakot siyang makita ang mga mapangutyang tingin ng mga dumadaan at masabihan ng pangit ng mga taong walang ginawa kundi bantayan ang iba at hindi tinitingnan ang kanilang mga sarili bago manghusga at makialam sa iba. 

Nangahas lamang siyang isuot ang pulang bestida nang palihim sa kanyang silid kapag walang tao sa paligid.

Ngayon, nakukuha na niyang maglakad sa kalye suot ang pulang bestida, ang kanyang balingkinitan na baywang at magandang balakang, mahaba at kaakit-akit na mga binti, maputi ang balat at magandang mukha, bakas ang kumpiyansa sa bawat kilos.

Ang mga nagdaraang nakakita sa kanya ay hindi maiwasang mamangha at mapalingon sa kaniya.

Sa loob ng isang taon na pumayat siya, kailaman ay hindi pa sila nagkikita ng kontrabidang mag-ina. Mula nang araw na nalaman niya ang lahat ay hindi siya umuwi at nagpakita sa mga ito. Ilang mensahe ang natatanggap niya pero hindi niya iyon binigyang pansin.

Hanggang isang araw, habang nakaupo siya sa kaniyang kama nakatanggap si Janella ng tawag mula kay Flor, na ang boses ay parang napakaamo at mabait.

“Janella, iha, it's me, si mama Flor mo ito. Mayroon akong kasosyo at kaibigan sa negosyo. Mabait naman siya kaya lqng 50 years old na siya ngayon, halos kalahati ang tanda sa iyo. Naghahanap kasi siya ng ina at mag-aalaga sa kaniyang mga anak. He's already annulled, sa una niyang asawa. How about going a blind date on him? Kung magugustuhan ka niya, pwede mo siyang pakasalan. Mas maigi iyon para magagawa mo pa din ang mga gusto mo,” wika pa nito sa kabilang linya.

“Iha, hindi ka na bata. Kaya tigilan mo na ang pangarap mong mapansin ka ng mayayaman at guwapong lalaki. Panahon na para harapin ang realidad. Sa bigat mong lagpas otsienta, baywang na parang barell, at mga binti na parang elepante. Swerte mo na kung mapansin ka man lang ng isang annul na matandang lalaki na may dalawang anak.” dagdag pa nito na halatang nang uuyam.

“Kung mapapangasawa mo siya, malaki ang maitutulong niya sa negosyo natin.”

Tahimik lang siyang nakikinig rito at paminsan-minsa'y napapatango.

“Magkita na lang kayo sa 3D Coffee Shop mamayang ala una ng hapon, sa ika-9 na mesa. Kaya tumayo at maglinis ka na ng katawan at puntahan siya. Make sure na amoy bulaklak ka ha, hindi amoy bulaklak na naliligo sa mantika.”

Alam ni Janella na hindi ito isang blind date lang; isa itong panlilinlang upang ibenta siya sa kasusyo ng madtrasta.

Dahil napakahalaga ng kasosyong ito sa negosyo ni Flor at sa anak, titiyakin niyang masisira niya ang kanilang negosyo na dapat ay para sa kaniya.

Taas noo at may ngiting mapanlinlang siyang tumayo at nagtungo sa 3D Coffee Shop na sinabi ng madrasta.