Chapter 10 (2)

Natigilan siya ng nakita niya si Emmanuel na nakatitig lamang sa kanya. Bigla siyang nakaramdam ng hiya na para bang pinagmamasdan ni Emmanuel ang kanyang itsura. Napatungo siya saka uminom ng kape na ginawa niya.

“I love your coffee,” Emmanuel whispered those words.

Pakiramdam niya ay mababagsak niya ang tasa na hawak niya dahil sa sinabi nito. Napasulyap siya kay Emmanuel at mukhang malamlam ang mga mata nito. Daig pa nito ang nangungusap sa kanya. Napalunok siya dahil sa titig ni Emmanuel.

“B-Bakit ka po nakatitig sa akin?” nauutal na tanong niya kay Emmanuel.

Umiwas ng tingin si Emmanuel at inayos pa ang neck tie niya. Tumikhim ito na parang hindi mapakali habang nakatingin sa kanya.

“Maayos ka na ba?” tanong ni Emmanuel sa kanya.

Napalunok naman siya sa tanong nito dahil alam niya na gusto na naman siya nitong pahirapan. Hindi naman pwedeng humindi siya dahil parte ng kontrata na kung gusto ni Emmanuel na gawin ang bagay na 'yon sa kanya ay bawal siyang kumontra.

Tumayo siya ng t