CHAPTER THREE

QUEEN PEPPER

Dali-dali akong pumasok sa kwarto ko sapo ang dibdib ko nang makaalis ako sa kwarto niyang pumigil sa paghinga ko.

Napasandal ako sa likod ng pinto at mariin na napapikit. Anong nangyari? Dumaus-os ako kinasasandalan ko at napaupo sa sahig at nayakap ang dalawa kong tuhod.

Kay bago-bago ko pa lang, unang araw ko na nakilala ang may-ari ng bahay kung ano-ano na agad ang naganap!

At dahil din naman sa kagagawan ko, kasalanan ko dahil hindi ako nag-iisip!

Nasabunutan ko na lang ang sarili. Natural, Pepper na iyon ang magiging reaksyon niya dahil lalaki iyon at ikaw ba naman ang makahuli sa babae na ganoon ang ginagawa?

Siguro iniisip niya sa mga oras na ito pinagpapantasyahan ko siya... at akala niya'y easy to get ako kaya ganoon na lang siya kung kumilos sa harapan ko... baka ang isip niya playgirl ako...

Napa-irit ako pero sinikap kong sa akin lang para mailabas ang frustrations na ito. Parang ayaw ko nang tumuloy sa pangangatulong dahil hindi ko alam paano ang pakikitungo na gagawin ko sa boss ko matapos nung kanina...

"Lola, hahanap na lang ako ng ibang trabaho hindi na ako tutuloy sa pamamasukan dito."

Kanina ko pa kinukulit si Lola dito sa laundry room at gusto ko na lang sumama sa kanya mamaya pauwi pero sinasamaan niya lang ako ng tingin sa tuwing nagsasalita ako at hindi pinapansin.

"Lola, hindi niyo ba nakita? Nakakahiya ang ginawa ko—"

"Oo nakakahiya talaga, nakakahiya ka."

Napakagat labi ako at nagmaktol na. "Kaya nga ho hindi na ako tutuloy! Sigurado hindi na maganda ang iniisip sa akin ni Sir Hades!"

"Oo, tama ka sinabi mo pa," gatong pa niya kaya nag-umpisa na akong mainis dahil lalo niyang ipinamumuka sa akin ang nagawa ko.

"Lola naman eh!"

Hinarap niya na ako matapos niya i-set ang automatic washing machine at nailagay ang lahat ng damit kaya natigilan ako natahimik nang nagpamaywang na siya at itinukod naman ang isang kamay sa ibabaw nito.

"Sinong t*nga kasi ang aamoy ng brief ng boss niya? Ikaw lang ang kilala kong gumawa niyan!" pagalit niya.

Napayuko na lang ako at napagdaop ang dalawang kamay at nilamukos ito saka pa napasimangot.

"Isipin mo, kung aalis ka hindi ka na tutuloy paano matrikula mo eh ang laki ng magiging tulong sa gastusin ng pamamasukan mo rito?"

"Pwede naman ho ako sa mga fastfood—"

"Fastfood? Magkano lang sahod doon!"

Natahimik ulit ako.

"Eh dito, malaki ang pasahod sa atin dahil tayong mag-lola lang ang mamamahala sa bahay at wala kang ibang gagawin kundi mag-silbi," pagpapaintindi niya kaya lalo akong hindi nakapagsalita.

"Kung hindi ka ba naman sira, ikaw ang nagawa ng sarili mong kahihiyan bata ka."

"Pasalamat ka nga, kung sa iba-iba iyan tinanggal ka na! Mabuti mabait iyan ako nag-alaga diyan noon kaya kilala ko ugali niyan ni Hades, marunong maawa sa mga katulad natin!"

Lumapit siya at kinurot na naman ako sa tagiliran ko kaya namilipit na naman ako kasabay ng pagdaing.

"Lola naman kanina pa kayo nananakit!"

"Dapat ka lang saktan! Susmaryosep ka..."

"Tapos ikaw pa may ganang hindi tumuloy eh pinagbigyan ka na nga sa kagagahan mo??" Pinanlakihan niya pa ako ng mata.

"Alalahanin mo, ako ay matanda na, ang laki ng gastos mo at next year graduating ka na kaya tumulong ka!" buska pa niya kaya hindi ko na napigilan maiyak kanina pa siya sigaw nang sigaw.

"Alam ko naman ho iyon... kaya nga ako magtatrabaho," may tampo kong sagot.

Nagkamali ako oo, pero hindi niya naman kailangan na sabihin pa na ang kailangan kong tumulong dahil kahit hindi niya sabihin tutulong naman talaga ako.

Masakit talaga magsalita kung minsan si Lola kapag galit at may nagagawa akong kalokohan. Talagang minsan lang din may pagka-pusong mamon ako.

"Kung hindi ka magtatrabaho dito kasama ko nganga tayong dalawa," panenermon pa niya.

"Sa akin ka iniwan ng mga magulang mo, dapat nga ako'y nagpapahinga na lang sa bahay at nag-pe-pension pero heto sa edad kong ito kailangan ko pa kumayod dahil may pinaaral pa akong apong matigas ang mukha."

Napaiyak na nga ako ng tuluyan habang nakayuko at nakagat ko ang ibaba kong labi para wag ako makalikha ng ingay nang nag-umpisa na siyang kumilos ulit.

Sinasalansan niya sa batyang nakatapat sa gripo ang mga de-color na damit ni Sir Hades upang basain bago isalang mamaya.

"Wag kang umiiyak-iyak diyan isipin mo ang atraso mo na hindi p'wedeng tinatakasan, maging responsable kang harapin ito."

Napalunok ako at tumango at pinalis ang mga luha sa magkabila kong pisngi habang sinusulyapan niya ako.

"Pilyang iyakin," bulong pa niya at napa-iling na lang. "Wag ang hindi ka tutuloy isipin mo, bayarin mo sa eskwela," pagtatatak niya sa isip ko.

"Kaunting tiis na lang, Pepper... kapag naka-graduate ka na maaari ka na umalis dito at magpaalam na kay Sir Hades, wag lang iiral ang kalandian mo baka mabuntis ka, sinasabi ko sa iyo h'wag mo susubukan," pagpapalakas niya ng loob ko pero may banta naman.

"Lola, hindi papatol sa akin si Sir Hades—"

"Hindi si Hades ang tinitukoy ko kundi iyung mga kaharutan mong kaklase! Akala mo ay hindi ko alam na may pa-fling fling ka nang nalalaman?!" Hahampasin pa niya ako ng damit kaya maagap akong napaiwas.

"Lola! Wala ho akong fling! Focus ako sa pag-aaral! Ginagaya niyo naman ako kay Mama eh!" pagalit ko nang sagot dahil sa mga paratang niya.

Iyung mga sinasabi niyang kaharutan ko, mga kaibigan kong lalaki na tumutulong kapag nahihirapan ako maka-adopt sa klase...

May mga subjects na mahina ako, pero hindi naman sa lahat, at forte ko mag-manage at manguna sa pangkalahatan dahil noong high school parati akong punong abala.

Kaya nga hotel and management ang kinuha ko dahil pangarap ko mag-trabaho sa isang luxurious hotel at ako ang manager na sana hindi ipagkait sa akin ng kapalaran.

"She has a fling, Manang?"

Pareho kaming nagulat ni Lola nang biglang sumulpot si Sir Hades sa pintuan at prenteng nakahilig na sa hamba nito kaya nanlaki ang mata ko at siyang kiming pag-tawa naman nitong si Lola.

Kailan pa siya nakatayo diyan? Bakit hindi nararamdaman kapag papalapit na siya?? Ang tahimik niyang kumilos kaya mabibigla ka na lang na nandiyan na siya.

"N-Naku, wala hijo! Wala! Bawal pa iyang mag-boyfriend nag-aaral pa iyan at baka mabuntis talandi pa man din!"

Napaawang ang bibig ko kung paano ako ilarawan at paratangan ni Lola na para bang hindi ako apo!

Tumawa si Hades at dumako ang tingin sa akin. "I see... yes, no boyfriend allowed while you are working here and you are still young, at baka makakaapekto lang iyan sa trabaho mo rito at sa pag-aaral," opinyon niya at pagppayo na hindi ko naman hinihingi.

Napanguso na lang ako.

Bakit ba iyon ang tingin nila?

Hindi naman ako ganoong babae.