Kabanata 5: Hacienda Ferman

Sa Hacienda Ferman

"Elijah! Buhatin mo itong mga dayami at imbakin mo sa pagkainan ng mga kabayo! Kailangan maayos ang mga 'yan, hindi puwedeng gulo-gulo ang mga 'yan!" ang utos ni Manong Ernes sa kanya.

"Opo, Manong Ernes," ang sagot agad ni Elijah.

Habang pinagmamasdan niya si Lejandro na inaalalayan si Furtiza na sumakay sa puting kabayo.

"Ang lakas ng loob niyang agawin ang asawa ko! Malaglag ka sana sa kabayong 'yan!" ang saad ni Elijah habang nanggigigil itong inaayos ang pagkain ng mga kabayo sa hacienda.

Habang iniisip ni Elijah kung paanong pati...

"Lahat sila ay hindi nila alam na ako ang asawa ni Lejandro! Mga taksil sila!" Halos lahat ng dumalo sa kasal namin ay walang nakakakilala sa akin! Paano nangyari ang bagay na iyon? Parang naiisip ko na lang na nananaginip lang akong ikinakasal nung nakaraang mga araw.

"Pero hindi ako papayag na hindi ko mabawi ang asawa ko! Alam kong may mali sa kanya, pero hindi ko alam kung papaano," ang malungkot na sabi ni Elijah.

Samantala, panay ang sigaw ng donya sa loob ng kanilang mansion at hinahanap si Elijah.

"ELIJAH! ELIJAH!" ang malakas na sigaw ng donya na ikinataranta ni Manang Leonora.

"Ano po 'yon, Senyorita Donya?" ang tanong ng mayordoma.

"Nasaan si Elijah?" tanong nito.

"Nasa Hacienda Ferman po, Senyorita Donya. Inutusan siya ni Manong Ernes na pinautos ni Ma'am Furtiza na magbuhat ng mga dayami para sa pagkain ng mga kabayo."

"Ganun ba? Puntahan mo siya doon at pauwiin mo rito! Kailangan niyang i-plantsa ang damit kong ito. Magmadali ka dahil may lakad ako!"

"Ako na lang po ang gagawa, Madam. Baka hindi pa po iyon tapos sa kanyang ginagawa."

"Ahmmm! Magmadali ka, siya ang gusto kong gumawa nito!" ang galit na saad ng donya.

Habang si Elijah ay nakamasid sa sweet na sweet na sina Lejandro at Furtiza habang nangangabayo ang mga ito.

"Nakakadurog ng puso ang ganitong eksena! Hindi puwedeng magtagal pa ito. Pero paano? Wala akong kakampi sa mansion, mapa-hacienda ay nasa panig ng donya."

"BULAGAAAAAA!" Ang biglang sulpot ni Bernard sa kanyang likuran na ikinatigil ni Elijah sa kanyang pag-iisip.

"Hi, Beautiful! Anong ginagawa mo?" tanong ni Bernard.

"Obvious ba? Malamang nagbubuhat ng maraming damo para sa pagkain ng mga kabayo! Umalis ka na nga sa harapan ko. Baka makita ka pa ni Lejandro at isipin niyang naglalalaki ako."

"Huhuhu! Ano ka ba naman, Elijah? Sa dami-dami ng lalaking pagpapantasyahan mo, si Lejandro pa na may asawa na? Nandito naman ako at handang pakasalan ka kahit saang simbahan mo gusto," ang nakangiting sabi ni Bernard kay Elijah.

"Loko ka talaga! Alam mo namang may asawa na ako, 'di ba? Alam kong kunwari ka lang na walang alam. Pero please, Bernard, sana magbago ang isip mo at tulungan mo akong malutas ang problemang ito," ang seryosong sabi ni Elijah.

"ELIJAH! Nakikipag-tsismisan ka na naman diyan! Magmadali ka, hinahanap ka ng donya!" ang sigaw na tawag ni Manang Leonora.

Walang ano-ano'y tumayo na si Elijah at hindi na tinapos ang ginagawang iniutos sa kanya ni Furtiza.

Habang si Bernard ay napapailing na lang habang patungo sa kinaroroonan ni Furtiza, dahil umalis si Lejandro panandalian at nangangabayo ngayon sa hacienda.

"Plaaak! Plaaak! Plaaaak!" ang kumakalimbong na palakpak ni Bernard habang papalapit ito kay Furtiza.

Naningkit ang mga mata ni Furtiza at sinabi, "Anong ginagawa mo? Bakit kailangan mo pang pumalakpak?" ang inis na saad ni Furtiza.

"Ang galing-galing mo! Hangang-hanga ako sa katalinuhan mo, Furtiza. Akalain mo ba namang mapupunta pa sa'yo ang kinahuhumalingan at pinag-aagawan ng mga kababaihan? At ang malala pa, may asawa na nga—sinungkit mo pa!" ang humahalakhak na sabi ni Bernard.

"ANG BUNGANGA MO!" ang galit na saway ni Furtiza. "Baka mamaya may makarinig pa sa'yo! Baka mamaya nariyan pa si Elijah at marinig niya ang sinasabi mo! Umalis ka na nga kung wala kang masabing maganda!"

"Oooohhh! Huwag ka naman ganyan, Furtiza. Huwag mong sulohin si Lejandro, dahil kaibigan ko rin siya," ang kalmadong sabi ni Bernard.

"Tumigil ka na! Paparating na ang asawa koooo!" ang saad ni Furtiza.

"ASAWAAAAA? Talaga lang ah... Ituloy-tuloy mo lang 'yan, dahil kukunin ko rin ang puso ni Elijah! Alam kong mamahalin din niya ako balang araw," ang mahinang sabi ni Bernard kay Furtiza.

"Kaya nga magmadali ka habang hindi pa naaalala ni Lejandro si Elijah!" ang dagdag pang sabi nito.

"BERNARD! Kanina ka pa ba rito? Halika, samahan mo akong mangabayo. Ayaw naman ng aking asawa dahil natatakot siyang mahulog sa kabayo," ang ganting saad ni Lejandro kay Bernard.

"Sure, let's go!" ang mabilis na sagot ni Bernard.

"Honey, hindi ka pa ba pagod para mangabayo ulit? This is our honeymoon. Saan tayo pupunta mamayang gabi para ipagdiwang ang ating honeymoon?" tanong ni Furtiza sa malambing na tinig.

"Ikaw, honey, saan mo ba gusto?" tanong ni Lejandro.

"Pu-puwede bang dito na lang tayo sa mansion, honey?" ang nakangising sabi ni Furtiza.