Kabanata 4: Nakakagulat na Pangyayari

"Furtiza?"

Mukhang nagkakamali po ata kayo. Hindi po si Furtiza ang asa—

"Ahmmm... Alam ko naman na kagustuhan mo rin ito. 'Di ba matagal mo nang pinagpapantasyahan si Elijah?"

Kaya magpanggap ka na lang na walang alam dahil pati ikaw ay makikinabang dito.

Ang pukaw na saad ng Donya sa sasabihin ni Bernard.

‘Ibig bang sabihin nito...’

Lahat ng dumalo sa kasalan nina Lejandro at Elijah ay alam na nila na ganito ang mangyayari?

Takang tanong ni Bernard.

"Of course! Hindi ako kikilos nang hindi kompleto ang plano!"

Ang seryosong sabi ng Donya.

Habang si Elijah ay naghuhugas ng sandamakmak na hugasan—mga pinaggamitan sa kasal nila ni Lejandro na iniutos sa kanya ng mayordoma, dahil utos din iyon sa kanya ng Donya.

"Bakit ganito ang nangyayari sa akin? Asawa ako ni Lejandro Ferman—ang pinakamayamang anak ng mga Ferman! Bakit ako narito sa kusina at naghuhugas ng pinagkainan?"

Ang naluluhang sabi niya habang binabantayan siya ni Leonora, ang mayordoma.

Nang bigla na lang madulas ang kanyang hinahawakang plato at bumagsak ito sa sahig, dahilan para makarinig na naman siya ng sigaw mula sa mayordoma.

"Gaga! Hindi ka nag-iingat! Alam mo ba kung magkano ang bawat piraso ng mga platong 'yan? Lagot ka na naman sa Donya!"

Sabay alis nito para isumbong siya sa Donya.

Ngunit sinundan siya ni Elijah para pigilan ang mayordoma sa kanyang balak gawin.

"Manang Leonora...! 'Wag ka nang magsumbong, please."

Ang pakiusap niya habang nakasunod sa mayordoma.

Ngunit laking gulat niya nang makita kung sino ang nasa sofa. Napahinto siya sa pagsunod kay Leonora dahil kitang-kita ng kanyang dalawang mata na masayang nakikipagkwentuhan si Furtiza sa lalaking pinakamamahal niya—si Lejandro.

Dahil sa gulat at inis na naramdaman ni Elijah, hindi niya napigilan ang sariling lumapit sa mga ito para komprontahin ang kanyang asawa ng harapan.

"ANONG KALOKOHAN ITO!"

Ang bulyaw ni Elijah.

"Bakit kayo magkasama ni Furtiza, huh Lejandro? Akala ko ba pupunta ka ng Singapore para sa isang malalang problema! Kakaalis mo lang kaninang umaga, pero ngayon narito ka na kaagad at kasama mo pa si Furtiza—at masayang nakayakap pa sa mga braso mo!"

"Oh my God! Honey, kilala mo ba ang babaeng 'yan?"

Ang mataray na saad ni Furtiza kay Lejandro.

"NO... Ngayon ko lang siya nakita. Bago lang ba siya rito, Mama?"

Ang kalmadong tanong ni Lejandro sa kanyang ina.

"Ah! Yes... of course, hijo! Bago lang siya rito—bagong katulong natin siya."

Ang nakangising saad ng Donya.

"ANONG SINASABI NINYO! Ano ka ba, Lejandro?! Asawa mo ako!"

Ang sigaw ni Elijah, na umalingawngaw sa buong paligid, narinig ng lahat habang si Bernard ay naroon, nakikinig at nanonood sa mga nangyayari.

"Anong sinasabi mo? Nakakahiya ka! Bagong kasal lang sila tapos ganyan ang sasabihin mo sa mga boss mo! Nababaliw ka na ba?!"

Ang galit na saad ng Donya.

"Kaladkarin siya palabas ng mansion!"

Ang utos na sigaw ng Donya.

"LEJANDRO! Asawa ko...! Ano bang nangyayari sa’yo?! Nakalimutan mo na ba ang gabing ating pinagsaluhan?! Bakit mo ako ginaganito?!"

Ang paulit-ulit na sigaw ni Elijah.

Hindi nakapagpigil ang Donya at agad siyang hinila papasok sa kusina, at doon na siya pinahirapan ng husto ng Donya.

Sampal sa kanan! Sampal sa kaliwa!

Ang mabilis na dumapo sa pisngi ng kawawang si Elijah.

"Kahit anong gawin mo, hindi ka na niya maaalala, dahil totoong kinalimutan ka na ng asawa mo!

Saka isa pa, wala na kaming mapapala sa’yo. Kaya kung gusto mong lumayas sa pamamahay na ito, ngayon pa lang lumayas ka na!"

Ang bulyaw ng Donya.

"Hi-hindi ako aalis dito hangga’t hindi ko nababawi ang asawa ko! Ako ang tunay na asawa ni Lejandro, at hindi ang impostor na babaeng iyon!"

"How dare you!"

Na sabihin kay Furtiza na isa siyang impostor! Katulong ka lang dito, kaya magtrabaho ka nang nararapat!"

Ang galit na saad ni Lejandro sa kanilang likuran, na agad nilang ikinagulat.

Agad ding sumunod si Furtiza kay Lejandro kaya dinig na dinig niya ang mga katagang binitawan ni Lejandro sa kanyang sariling asawa na si Elijah.

"Ganyan nga, Lejandro!"

Ang tahimik na sabi ni Furtiza habang nakakapit na sa braso ng gwapong lalaki.

Hindi malaman ni Elijah ang kanyang gagawin. Iiyak ba siya sa harapan ng asawa at magmamakaawang sabihin ang totoo na nagpapanggap lang siyang hindi niya ako kilala, o kaya naman lumuhod ako sa harapan niya para lang kaawaan ako?

Mga katagang lumalabas sa isip ni Elijah.

Ngunit walang salitang lumalabas sa bibig ni Elijah. Tanging luha lang ang umaagos sa kanyang pisngi habang dinadama ang masakit na katotohanang hindi siya asawa ni Lejandro.

"Alisin niyo ang babaeng ito! Ayoko ng binabastos ang asawa ko ng isang hamak na katulong lamang!"

Ang galit na utos ni Lejandro.

"Tama, Honey! Paalisin mo na ang babaeng ‘yan! Kabago-bagong katulong, ang lakas ng loob niya! Ambisyosang babae!"

Ang dagdag pang saad ni Furtiza.

Dahilan para lunukin ni Elijah ang kanyang pride alang-alang sa asawa, upang hindi siya palayasin sa Hacienda Ferman.

"P-patawad... H-hindi ko sinasadya. N-nagkamali lang ako ng h-hinala. I'm sorry... Hindi ko na uulitin ang ginawa kong pang-aabala sa inyo.

Wag niyo lang po akong palayasin dito. Wala na po akong ibang mapupuntahan. Pakiusap..."

Ang pagmamakaawa ni Elijah habang inaayos ang gulo-gulo niyang buhok, pati na ang kanyang kusot na kasuotan gawa ng pagpapahirap sa kanya ng Donya at ng mayordoma.

Nagulat naman ang Donya sa biglaang pagbabago ni Elijah, dahilan para kabahan ang mga ito.

Pagkasabi nun ni Elijah ay nagpasyang patawarin siya ni Lejandro kahit kontra si Furtiza. Pero wala itong magawa dahil desisyon iyon ni Lejandro, kaya pumayag na rin ito para hindi isipin ni Lejandro na masama siyang babae.

"Akala ko pa naman tatanggapin niya ang pagpapalayas sa kanya rito sa Hacienda Ferman!

Hindi pala. Kailangan pa nating pahirapan nang husto si Elijah para kusa na siyang lumayas!"

Ang usapan ng lahat, maliban kay Lejandro, dahil nagpaalam na itong aakyat muna sa kanilang silid.

Habang si Elijah ay ikinulong muna sa kwarto ng mga katulong pansamantala, hanggang abutin siya ng bente kwatro oras bago palabasin sa silid.

Habang si Furtiza at ang Donya ay nagpasyang mag-usap nang silang dalawa lang.

"Mama, ngayong nangyari na ang nais natin, kailangan na natin ng maraming reserbang gamot—para sa pagpapainom kay Lejandro ng gamot upang tuluyan nang mawala ang alaala niya kay Elijah."

Ang mahinahong sabi ni Furtiza sa Donya.

"Oo, alam ko. Kaya ‘wag kang mag-alala. Alam mo namang sa’yo ko gustong mapangasawa ang anak ko."