Chapter 27

Nagising lang si Ffion nung tapikin ni Amazi ang kaniyang pisngi. Doon lang niya napansin na nasa San Mateo na sila ng binata. Hindi man lang niya nagawang kainin ang binili ni Amazi na pagkain para sa kaniya.

"Sorry! Sorry nakatulog ako."

Ginulo lang nito ang kaniyang buhok at tumango. "Naghihintay na sila kuya sa loob."

Naguguluhan napatingin naman siya sa lalaki. Naunang lumabas ito sa sasakyan at ito na ang nagbukas ng gate papasok sa malaking bakuran ng Villa kung saan, kahit gabi na, nagkikislapan ang ganda ng kaniyang mga bulaklak. Kahit papaano, napangiti siya nang masilayan ang mga iyon.

"Sorry, ha? Kung sinabi ko kay kuya ang totoong nangyari. Alam din ni kuya na pauwi tayo kaya alam kong naghihintay siya sa sala panigurado," anas nito nung bumalik ito sa passenger seat. Muli nitong minaneho ang sasakyan papasok sa loob.

"Salamat." Tipid niyang sagot. Dahil ang totoo, nasira ng tuluyan ang kaniyang cellphone kaya hindi niya magawang tumawag pa sa asawa at kay Lucas nung nama