Chapter 59

Hindi siya umuwi nang gabing iyon. Namalayan na lamang ni Ffion na ansa bahay siya ni Manang Minda at Manong Lito. Kinakausap siya ni Manang Minda pero sabog ang kaniyang utak. Wala siyang maisagot na matino.

Kaya hindi na siya pinilit ng matanda na umuwi ng Villa at hinayaan siyang manatili sa gabing iyon sa bahay ng mga ito.

"Talaga bang okay ka lang dito Ineng?" Tanong ni Manang Minda nung dalhan siya ng unan at kumot sa kabilang silid.

"Opo. P-pasensya ho Manang kung dumito muna ako. Sadyang... Sadyang ayuko lang makita si Ivony at Adi." Tila may buhangin ang kaniyang lalamunan at nahirapan siyang lumunok. Masakit.

"Oh siya, pasensyahan mo na at hindi karangyaan ang bahay namin, ha?"

Ngumiti lang siya. Lumabas ito at hinayaan siya kung papatayin niya ba ang ilaw ng kaniyang silid o hindi.

Yari sa amacan at semento ang bahay ng mag-asawa. Bungalow style. May tatlong silid. Isa para sa dalawang mag-asawang matanda at ang dalawa ay para sa anak ng mga ito. Para kay Ffion, okay nam