THE DANGEROUS WOMAN 18

Mabilis naman natapos ang isang buong araw, sabay-sabay na nagsilabasan ang lahat ng kasamahan ko sa opisina ng Black Stone. Ang iba ay nagpaalam pa sa isa’t isa. Nang makita ko na walang tao sa loob ng building ay nagdesisyon na rin akong lumabas sa gusali.

Naglakad na ako palabas ng exit saka nagtungo ako sa parking lot. Kinuha ko naman ang helmet ko na pinatabi ko kanina sa security pagkaabot nito sa akin ay sumakay na ako sa motor ko at mabilis ko itong pinatakbo.

Nagpalinga-linga ako sa paligid baka makita ko pa ang iba kong kasama pati ni si Franko. Subalit wala na ang mga ito sa tingin ko ay nakauwi na sila.

Binilisan ko naman ang pagmamaneho ko ng motor. Sa ‘di naman kalayuan at sa bandang unahan ng daan nakitang kong nakatigil ang mga sasakyan hindi na ako nag-usisa. Nakakita naman akong maliit na daan kaya rito ako lumiko, dumaan ako sa maliit na eskinita, ngunit marahan lang ang pagmamaneho ko dahil maraming bata ang naglalaro sa daan. Nagmamadali na ako kaya malakas ko sil