TGM 9

"Kath? Kumain ka na," aniya ni Manang sa akin.

Ilang araw na nawalan ako ng gana kumain.

"Isipin mo ang dalawang bata nasa sinapupunan mo, hija. Si Sky, hinahanap ka rin niya."

Dahan-dahan naman akong bumangon. "Susunod po ako," saad ko kay Manang.

Ngumiti si Manang Precy sa akin at lumabas na ito. Tumayo naman ako at pumunta sa banyo. Naghilamos at nagpalit ng damit.

Naabutan ko si Sky na gumagapang ito sa sala. Agad ko naman ito binuhat at pinugpog ng halik.

"I love you," nakangising saad ko rito habang kinikiliti ito sa tiyan. Gumagaan naman ang pakiramdam ko sa mahinang hagikhik ni Sky.

"Huwag ka malikot, natatamaan ang tiyan ni Mommy," natatawang saad ko naman rito. Malapit na mag-isang taon si Sky at bukas walong buwan na rin ang tiyan ko. Ang bilis ng araw. Malapit na rin ako manganganak.

"Kath?"

Nagtatakang tumingin ako kay Manang Precy. "Bakit po?"

"Ahm. N-Nandito si Sir Dos."

Napabuntonghininga naman ako. Si Sky lang naman ang pinupuntahan niya. Noong isang araw, hiniram