100. TLBAHM

MASAKIT ang ulo niya ng magmulat siya. Nanghihina ang buo niyang katawan. Kinabahan siya kaya agad na umupo siya para malaman kung naigagalaw ba niya ang kanyang katawan.

Nakahinga siya ng maluwag. Akala niya ay inulit na naman ang ginawa ni Frederick sa kanya.

Tumayo siya para buksan ang pinto, pero naka-lock ito. Nasa isang kwarto siya ngayon na walang kagamit-gamit maliban sa nag iisang kama na hinigaan niya. Sa bawat sulok ay mayro'n pang sapot ng mga gagamba, mga ipis na nagliliparan, at mga maliliit ba daga. Dahil sanay siyang makakita ng ganito ay hindi siya nakaramdam ng takot.

Malakas na kinalampag niya ang pinto.

"Frederick! Nasaan ang anak ko!" Napangiwi siya ng tumama ang kamay niya sa pako na nakausli sa pinto kaya nagdugo ang kamay niya.

Mukhang nasa isang luma silang bahay. Maging ang pinto na kinakalampag niya ay halatang luma na.

"Frederick! Amon!" Halos maubos ang boses niya sa kakasigaw, ngunit wala pa rin siyang naririnig na yabag.

Nasaan na ba ang mga tao rito?!

N