CHAPTER 4

THE MAFIA QUEEN, PAHIRAM NG MUKHA 

CHAPTER 4

ALICE

"Bakit kasama mo pa rin ang batang 'yan?" tanong niya sa tauhan niyang si Mark. 

"Ayaw niyang magpa-iwan sa pulis station boss, takot na takot siya, 'wag din po kayong mag-alala, dahil natawagan ko na ang kanyang ina." Inis akong na-patingin kay Mark, dahil sa kanyang sinabi. 

Sabi ko na nga ba, magbibigay lang ng sakit ng ulo ang bata.

"Saan mo ba kikitain ang nanay ng batang 'yan? Alam mo bang marami pa akong kailangang gawin Mark, baka gusto mong kayo ng batang 'yan ang isunod ko sa Antonio na 'yon!" Sigaw ko rito, habang napakunot ang noo ko na tumingin sa kanya, nang takpan niya ang tainga ng bata. 

"Bunganga mo naman boss, gusto mo bang malaman ng bata na masama 'yang ugali mo?" lalo pang napa-kunot ang noo ko, dahil sa sinabi niya sa akin. 

"Hindi ako nakikipag-biruan sa 'yo," madiin na wika ko, habang malawak siyang ngumiti. Pasalamat talaga ang Mark na 'to, na kaibigan ang tingin ko sa kanya, at hindi basta tauhan lang, dahil kung hindi, baka kanina ko pa pinasabog ang utak niya.

Nang makarating kami sa lugar, kung saan namin tatag-puin ang ina ng bata, ay hindi ko mapigilan na nakaramdam nang inis, lalo na at matagal ang ina ng bata, panay rin ang pagtingin ko sa orasan na nasa bisig ko, dahil alam kong ngayon ang alis ni Leo, papunta sa ibang bansa para sa meeting niya, sa negosyo namin. 

"Cody!" Kunot-noo akong napalingon, at nakita ang isang babae na lumapit sa amin, kita ko sa mukha niya ang galit habang tumingin ito sa bata. 

"Ang tigas talaga ng ulo mo! 'Diba sinabi ko sa 'yo na 'wag kang lumayo sa yaya mo ha?!" Galit na sigaw nito, habang akma sana nitong papaluin ang bata. Pero mabilis ko siyang pinigilan at hinawakan ang kamay.

"Imbis na matutuwa ka, dahil nakita mo ang anak mo, pagagalitan mo pa siya.." Iling na wika ko sa kanya, habang tiningnan niya ako mula ulo hanggang paa. Hindi ko rin mapigilan na nakaramdam nang pagka-insulto, dahil sa paraan ng pagtingin niya, kaya hinanda ko na ang kamay ko, para bunutin sana ang baril ko. Pero agad akong pinigilan ni Mark. 

"Umalis na tayo boss, at hayaan nalang natin siya." Wika niya sa akin, habang inalalayan ako papasok sa kotse. 

"Bakit mo ba ako pinipigilan?" galit na tanong ko kay Mark, matapos kaming nakaupo sa loob ng kotse. 

"Nakita mo naman na maliit pa ang anak niya, gusto mo bang mawalan agad 'yon ng ina?"

"Wala akong pakialam, lalo na at masama ang ugali ng ina niya." Irap na wika ko habang nailing siya sa akin. Kinuha ko naman ang phone ko at tinawagan muli si Leo. 

"Mabuti at sumagot kana," galit na wika ko, matapos nitong sagutin ang tawag ko. 

"Alam mo naman na busy ako sa mga negosyo natin, kaya hindi ko nasagot ang tawag mo, bakit hindi ka nalang kay Aria, tumawag?" 

"Bakit sa kanya ako tatawag, ikaw nga ang gusto kong maka-usap!" Sigaw ko sa kanya. 

"Pwede ba Alice, 'wag mo akong sigawan, alam mo naman kung gaano ako ka busy sa mga negosyo mo." 

"Wala akong pakialam, ngayon sabihin mo sa akin ang totoo."

"Totoo? Anong totoo?" 

"Sinabi sa akin ni Antonio, na ginawa niyang pambayad sa 'yo ang anak niya!"

"Oo, nakalimutan ko pa lang sabihin sa 'yo 'yon, nasa bahay natin siya, at isa na ngayon sa mga katulong," agad akong natigilan, dahil sa narinig ko mula sa kanya. 

"Ibig mong sabihin, hindi mo siya ginalaw?" 

"P*tang ina naman Alice! Bakit ko naman 'yon gagawin? Nakalimutan mo bang malapit na tayong ikasal, at alam mo naman kung gaano kita ka mahal, kaya wala akong pakialam sa ibang mga babae, dahil ikaw lang ang mahalaga, para sa akin," hindi ko mapigilan na mapangiti, dahil sa narinig ko mula sa kanya. 

Hindi na ako nagsalita pa, at mabilis ko nang pinutol ang tawag, hindi ko rin kasi alam kung ano ang isasagot ko sa kanya, lalo na at wala talaga akong ka lambing-lambing. 

"Saan na tayo pupunta?" tanong sa akin ni Mark. 

"Tawagan mo ang mga tauhan ko, dahil gusto kong makipag-meeting sa kanila." Sagot ko, habang mabilis niyang kinuha ang kanyang phone. 

Habang binabaybay namin ang daan, papunta sa underworld, ay na-patingin ako sa bintana. Muli ko na namang naalala ang lalaki na nakaniig ko sa bar, kaya agad na napa-kuyom ang kamao ko, dahil hindi ko man lang naalala ang mukha ng hay*p na 'yon. 

Nang makarating ako sa opisina namin, kung saan namin ginagawa ang lahat ng illegal transaction, ay agad na nag-sitayuan ang mga tauhan ko. Pati na rin ang mga leader nila. Habang nakaupo ako, ay nakikinig lang ako sa kanilang pinag-usapan. Mabilis din na napa-kunot ang noo ko, dahil sa sinabi sa akin ng isa sa kanilang mga leader. 

"Anong sinabi mo?" tanong ko, habang nakita ko ang takot sa mukha niya na tumingin sa akin. 

"Suggest ko lang po boss, baka sakaling gusto mo rin, na gawing kanang kamay si boss Aria,dahil isa rin siyang magaling." Sagot niya sa akin, habang malakas kong hinampas ang lamesa, at kinuha ang baril ko. Wala rin silang narinig na salita mula sa akin, dahil tuluyan nang bumulagta ang lalaki sa sahig, habang naliligo ito sa sarili nitong dugo. 

"May suggestion paba kayo?" Ngiting tanong ko. Habang muling umupo. 

"Mukhang wala na.." Wika kong muli, habang suminyas sa tauhan ko na itapon na ang bangkay. 

"Ito ang tandaan niyo, kahit kaibigan ko pa si Aria, hindi ko siya gagawing kanang kamay ko, dahil ako lang, ako lang dapat ang nag-iisang reyna rito." Wika ko sa kanila at mabilis na tumayo. 

"Bantayan mo ang lahat ng galaw nila, at sa oras na malaman mong mag may traydor sa akin, alam mo na ang gagawin mo." Utos ko kay Mark, habang naglalakad kami palabas.

Nang makasakay ako sa kotse ko, ay mabilis akong napalingon at nakitang pinagbabaril ang mga tauhan ko. 

“Anong nangyari?” Tanong ko kay Mark, habang mabilis siyang pumasok sa loob ng kotse.