CHAPTER 4: THIRD MISTRESS (VALERIE)

"What the hell is this". Nilipat ni Don Enriquetto ang tingin nya kay Manang Violeta. "Pano ko mababasa to sobrang kaliliit?"

"Nothing is interesting about that woman, dad", Singit ni Giovan mula sa dulo. 

Sa oras na yun ay tahimik na nagpasalamat si Hannah dito dahil parang hulog ng langit ang tinuran nyang yun para tulungan syang saglit na mawala ang atensyon ni Don Enriquetto sa files nya. Hindi nya alam kung bakit naiinis sa kanya ang pinaka batang kapatid nila Greg pero dahil doon ay nalampasan nya ang kahihiyan at naka hinga sya ng maluwag.

"Okay, okay as long as you do not have any sexually transmitted disease it's fine". 

Nagpatuloy lang sya sa pagbabasa ng mga files ng iba pa at sinisikap ni Hannah na pakinggang mabuti at alalahanin ang ano mang detalye tungkol sa mga babaeng makaka laban nya sa pag tanggap ng ari arian ng ama nila Greg.

Napapa ngiti ito dahil taliwas sa kanyang iniisip na matataas ang estado nila sa lipunan ay tila hindi naman pala ganon kayayaman ang mga ito, maliban na lang sa kasamang babae ni Elio na pumapa pangatlo sa mga magkakapatid. Isang construction engineer, may sariling construction equipment business, hardware at government contracts. Pero gayunpaman ay isa pa rin syang mistress.

"I think we can be a partner in business", nabahala si Hannah nang marinig nito ang komento ni Greg dito nang mabanggit ang tungkol doon. "Im into construction too, pero i still need to ask my brother Elio's approval". Tinapik ni Greg ang balikat ni Elio na katabi nya lang. 

"Do what you want", pag sang ayon naman nya. 

Uminit ang ulo ni Hannah nang napapansin nitong tila may pagkakasundong nagaganap sa pagitan nila lalo na nang sumali na rin sa usapan ang babaeng si Eva. 

"Sure, seems like we're a family after all". Malandinh ngiti nito bilang tugon. 

Pano naman sya? Ni hindi man lang sya nagawang isingit ni Greg sa usapan. Ngunit wala din naman syang maaambag doon kung sakali. Sino ba sya? Ano ba sya? Wala naman syang regular na trabaho at umaasa lang sa mga barya baryang tig lilimang libong inaabot ni Greg sa kanya. Kahit pa mamahalin ang mga suot nitong gamit galing kay Greg ay hindi kayang pagtakpan ng mga yun ang katotohanang isa lang syang gold digger na maswerteng pinatulan ng mayamang si Greg. 

"As you can see", pagpuputol ni Don Enriquetto sa kanilang usapan. "Si Giovan na lang ang natitirang single sa ngayon, i found out na yung pamilya ng babaeng dinidate nya ay may lahing cancer, and that is a no-no for me.". 

"So ngayon i think it's time to announce why everybody is here", Kalmadong bigkas ng matanda. Nanatiling hindi nagagalaw ang mga pagkain maliban kay Giovan na wine glass na ang hawak. 

"All my sons are successful, even Giovan my youngest is already secured financially. He's just twenty two but you know the youngest are always spoiled, kahit maging jobless sya habang buhay ay pera pa rin sya". 

"So i want to choose someone from you girls, the mistress of my sons, just one deserving woman from you who will legally inherit all my assets". 

Pinakiramdanan ni Hannah ang paligid. Walang nagulat, tila lahat sila inaasahan na ang sasabihin ni Don Enriquetto na yun. Sunod nyang sinuyod ang mga magkakapatid na lalaki at lahat sila ay may pilyong ngiting nakikipag titigan sa mga babae na kanya kanya nilang katapat sa mesa. Alam nyang lahat may kanya kanyang sariling plano at diskarte, malamang napag usapan na nila yun bago pa sila humarap sa hapag kainan. Pero sila ni Greg? walang diskarte at parang hindi nakakatulong ang sinabi ni Greg na gagawin nya ang lahat para sya ang mapili pero paano kung wala silang mabuong anak?

"But these are the conditions", pagpapatuloy nya. 

"Mula ngayong gabi ay wala ng makaka alis sa islang ito".

Yun lang. Marahil yun ang ilan sa mga kondisyon na hindi alam nila Greg kaya hindi nya nasabi. O kaya ay alam nila pero sinadya nilang huwag nang ipaalam sa kanilang mga babae. Hindi nagulat si Greg kaya naman nag suspetsya si Hannah na may alam talaga sya tungkol sa kondisyon na yun at natatakot na sya sa iba pang kondisyon na sasabihin ng matanda. 

"Hah? hindi po pwede to, Gino alam mong kelangan ako sa opisina" Nagulat ang lahat sa pagtayo ng babaeng katapat ni Gino na pang apat sa magkakapatid. "Gino no, please kelangan kong maka uwi".

"Tumahimik kang babae ka", Sigaw ni Gino na kahit pa walang dahilan para sumigaw sya ng ganun kalakas at walang dahilan para magalit sya ng biglaang ganun katindi. "Akala mo ba hindi ko alam na janitress ka lang sa kompanya nyo ? "

"Ano? Anong sinasabi mo Gino?" Nanginginig na bumalik sa pagkaka upo ang babae. "Gino naman".

"Sinabi kong tumahimik ka", marahas nitong sinaboy ang laman ng wine glass dito pero walang ano mang kumikilos para pahupain ang sitwasyon. Maging ang nagtalsikang alak sa katabi ng babae ay hindi pinansin ni Gino para man lang sana humingi ng pasensya at doon napagtanto ni Hannah na walang saysay kung magtatapang tapangan sya ngayon.  

"Nakakadiri ka, hindi ka ba nagtataka kung bakit may nangyayari lang sa atin pag lasing na lasing ako? Sino ka ba ? pinag photocopy ka lang ng files akala mo office girl ka na?!".

"Gino please kelangan ako sa bahay". Maluha luha na ang babaeng si Valerie. 

"Ano kelangan ka ng anak mo ? "

Mas ikinabigla ng lahat ang sinabing yun ni Gino. 

Napatawa si Don Enriquetto. "Sabi nya sya daw magsasabi eh". Tila sagot yun sa tanong na bakit hindi nya iyon nabanggit sa files nya kanina. 

"Masyado kang desperada para mapalapit sa akin, ni hindi mo ako mas kinilala, alam mo ba kung gano kadaming dugo na ang---"

"Gino stop!", suway ni Prosecutor Alonzo. "You got to stop now". 

"Okay genius guy". Isang irap at sarkastikong sagot nito. 

Napalingon ang lahat sa malakas na langitngit ng napaka laking pintuan ng mansyon at kita sa muka ng lahat ng mga babae ang takot at kaba habang sumasara iyon saka sila sabay sabay na napalingon sa kanilang mga boyfriend na magkakapatid.