Final Chapter

"Alam ko po na nasurpresa kayong dalawa ni Mommy, Papa. Kaya ako po ay humihingi ng paumanhin. Ganoon pa man ay nais ko po kayong batiin sa espesyal na araw para sa inyong dalawa. I love you both."

Binitiwan ni Reign ang palad ng ina saka tumingkayad at hinagkan sa noo ang amang kagaya ng ina na hindi halos makapagsalita.

"Wala akong ibang masabi anak kundi maraming-maraming salamat. Dahil kahit halos nakalimutan na namin ang araw na ito ay higit pa sa inaasahan sobra ang ginawa n'yong paghahanda. Spoiled parents na kami sa inyong magkapatid," maluha-luhang tugon ni Reynold Wayne sa anak na lalaki bago tumingin sa asawang kahit hindi magsalita ay kagaya niyang emosyonal.

"Mommy, smile na po. Baka mamaya ay mas maganda na ako sa iyo dahil nagiging crybaby ka na po. Hayaan mo po dahil isusunod na po natin ang para sa amin ng mga maging manugang ninyo ni Papa. Ayon po si Father naghihintay sa inyong pag-abante," dagdag turan pa ni Jewel.

"Huh! Saan ka ba nagmana kundi sa akin, Hija? Well