KABANATA 18

Todo tanggi man siya ay wala na siyang nagawa nang doon muna siya patuluyin ni Sean sa isang mamahaling hotel. Ang sabi nito ay pag-aari daw nito ang hotel na iyon kaya't huwag daw siyang mag-aalala sa bayad doon.

Nakita kasi nito ang pag-aalinlangan niya nang makita niya ang rate para sa isang gabi sa hotel na iyon. Ang sabi nito ay doon muna siya manunuluyan habang inaayos pa nito ang mga kakailanganin para sa kontratang pipirmahan nila. Pinapa-ready na rin nito sa kanya ang mga dokumento niyang kakailanganin para mai-schedule ang kasal nila sa huwes.

Agad na umalis ito pagkatapos nitong kausapin ang manager ng hotel. Inihabilin siya ng lalaki rito. Ang manager pa mismo ang sumamang umakyat sa kanya para ihatid siya sa kwarto niya. Tumanggi siya nang sa isang bellboy sana nito ipapadala ang maleta niya. Sabi niya ay kaya niya namang dalhin iyon nang walang tulong.

Tumigil sila ng babaeng manager sa harap ng isang kwarto. Binuksan nito iyon at muntik pa siyang mapasinghap sa laki at