KABANATA 45

Maaga siyang pumasok kinabukasan. Alas siyete pa lang ng umaga ay nasa office na siya at abala sa ginagawa.

Mag-aalas otso na ng pumasok si Mr. Rado kasabay si Lany. Kahit naiilang dahil sa nangyari kahapon ay itinigil niya ang ginagawa para batiin ang dalawa.

Hindi siya tinapunan ng tingin man lang ng mga ito. Ibinalik niya na lang din sa trabaho ang atensiyon.

Hindi nagtagal si Mr. Rado at umalis ito ng opisina. Naiwan sila ni Lany sa loob. Nakapameywang na nilapitan siya ng babae. Tumayo pa ito sa harap niya.

"How's the report coming?" Nakataas pa ang isang kilay nito nang tanungin siya.

Dama niya ang pag-iba na ng pagtrato nito sa kanya. Hindi niya na lang pinansin iyon at sinagot ang tanong ng babae.

"We need it tomorrow, first thing in the morning."

Tumango na lang din siya.

"Knock! Knock!" Napalingon pa silang pareho sa babaeng nakasilip na sa pinto.

Agad na umaliwalas ang mukha ni Lany nang makita si Latonia.

"Good morning! Come inside," agad na sinalubong ito ng babae at inaya