KABANATA 44

Kakabalik lang niya galing sa lunch nang matigilan pagpasok ng opisina ni Mr. Rado. Nakaupo kasi sa mahabang upuan do'n si Lany kasama si Latonia.

"Thank you for the lunch treat, Miss Esguerra." Narinig pa niyang sabi ni Lany.

Magkatabi ang dalawang nakaupo sa malambot na upuan sa isang sulok sa loob ng office ni Mr. Rado. Sabay na napalingon sa kanya ang dalawa nang pumasok siya sa loob.

"Good afternoon, Miss Esguerra," bati niya sa babae.

Tumingin lang ito sa kanya at bahagyang napalis ang ngiti. Patuloy sa pagkukwento si Lany sa babae. Dumiretso na siya sa mesa niya at binuksan agad ang laptop.

"By the way, Mr. Rado will not be around the whole afternoon or baka babalik siya pero very late na. Pakitapos na lang iyong pinapagawa niya sa'yo. We just need your signature on those files," naalalang sabi ni Lany saka bumaling na uli kay Latonia.

"I never thought that you would take the time to invite me to lunch, Miss Esguerra. I was so starstruck. I'm just a regular employee, and then