KABANATA 46

Nakataas-noo pa siya nang ibigay kay Mr. Rado ang natapos na report. Proud siya at nagawa niya iyon kahit hindi sapat ang araw na ibinigay para matapos ang gano'n kakumplikadong report.

Kumunot lang ang noo ng matandang boss. Walang kainte-interes na binuklat lang ang files saka pabagsak na inilagay sa mesa. Hindi ito nagsalita kahit konti.

Tatanungin na niya sana ito ng susunod na gagawin niya pero naunahan siya ng lalaki.

"I didn't know that you were that ambitious, Miss de Lara. Of all people na pwede mong akitin ay si Mr. Montarde pa talaga. May itinatago pala iyang inosente mong mukha. Mas magaling pala ang karisma mo kumpara kay Lany." Tiningnan siya ng matandang boss nang may malisya.

Pumormal ang mukha niya. Hindi niya gusto ang pinagsasabi nito sa kanya. Sa tingin niya ay umabot na rin sa kaalaman nito ang tungkol sa kanila ni Sean. Sigurado siyang galing ang tsismis na iyon kay Lany.

"I don't know what you're talking about, Mr. Rado. I'll be at my desk and will just wait for