KABANATA 55

Umalis siya ng bahay kinabukasan at hindi man lang nakita si Sean. Kahit sa opisina ay wala ang lalaki.

Tahimik na tahimik silang pareho ng sekretarya ni Sean habang abala sa kanya-kanyang gawain. Kanina pa siya kating-kating magtanong kung nasaan ang lalaki.

Panay ang tingin niya sa oras. Malapit nang mag-lunch pero wala pa rin ito. Gusto niyang kumpirmahin kung may naka-schedule ba itong meeting sa araw na iyon.

"N-nasa business meeting po ba si Sean, Mrs. Nieves?" Naglakas loob na rin siyang magtanong.

Saka lang nag-angat ng tingin ang may edad nang babae sa kanya.

"Kasama niya si Bianca na makikipagkita sa isang real estate broker. May balak kasing bumili ng karagdagang properties si Sean para sa business na pagsososyohan nila ni Bianca. Hindi ba niya nasabi sa'yo iyon?" Napakunot-noong tanong ng babae. Marahil ay nagtataka ito kung bakit wala siyang kaalam-alam sa mga lakad at sa mga gano'n kaimportanteng plano ng sarili niyang asawa.

"Ah yah. Nakalimutan kong nabanggit niya nga