KABANATA 56

Pinaupo siya ng baklang mag-aayos sa kanya. Napatitig siya sa repleksiyon sa salamin. Saka lang niya na-realize na halos magkapareho lang pala sila ni Bianca.

Ang tuwid niyang itim na buhok ay hanggang kilikili niya. Tanging lipstick lang din ang kolorete sa mukha niya. Pati ang pananamit niya ay halos katulad lang din ng babae.

Pareho ang style nilang dalawa, nagkakaiba lang sila sa angkin nilang ganda. Si Bianca kasi ay tsinita habang siya naman ay bilugan ang mga matang may mahahabang pilikmata.

Kaya ba attracted sa kanya si Sean dahil naaalala nito si Bianca sa ayos at paraan ng pananamit niya?

"Ano'ng gusto mong gawin natin sa hair mo, Miss Beautiful?" Nakangiting tanong ng bakla na idinikit ang pisngi sa kanya habang nakikititig na rin sa repleksiyon niya.

Hindi na niya kailangang mag-isip nang matagal dahil alam na niya agad ang gusto niyang ayos.

Ayaw na niya ng matuwid at boring na buhok.

"Pwede bang bigyan mo ng buhay 'tong buhok ko?" Nakangiting sabi niya.

Napatingin sa buh