IKASAMPU

Hinatid kami ng mga senior sa first class period namin. Doon daw kami magkikita ng homeroom teacher namin.

Walang nagsasalita tungkol sa nangyari sa daan. Ni ang nangyari nitong mga nakaraang araw.

Ito ang gumugulo sa aking isipan. Nakaramdam ako ng pagkabalisa sa pamamagitan lamang ng pag-iisip kung ano ang susunod na mangyayari.

Ngunit ito ay simula pa lamang ng aking paglalakbay sa akademya. Ang tuktok ng iceberg.

Ang first-class period namin ay magaganap sa Damien building. Isang gusali na binubuo ng dalawang palapag na may limang silid-aralan sa bawat palapag. Pero may kakaiba sa mga unang gusaling nakita ko.

Ang kulay, at ang mga dekorasyon doon.

Isa itong gusaling pininturahan ng dilaw, bagong pintura. Buhay ang mga puno sa paligid nito at namumulaklak pa ito ng mga magagandang bulaklak.

Pumasok kami sa hallway ng Damien building.

Maroon ang sahig at nakatayo ang mga halaman