CHAPTER 49

‘’Okey naman kami, salamat nga pala ha?’’ Sabi ni Gemma, kasalukuyan silang nasa National Bookstore para maghanap ng Happy Mother’s Day Letter para ibigay sa ina nito. Nagpatulong si Gemma sa kanya dahil bukas ay mother’s day na. Gusto raw nito bigyan ang ina, pumili na lang din siya ng ibibigay sa kanyang ina. Gusto niya rin na bigyan ang kanyang ina. Dahil gusto niyang maging masaya ito sa araw ng mga ina, ipapadala niya na lang sa Bacolod sa kanilang bahay. Bilhan niya na lang din ng gift, balak niyang bilhan ng kwentas na regalo sa ina, pure gold. Saka magpapadala siya ng pera para makahanda sa bahay nila at saka cake. Tatawagan niya mamaya ang bunsong kapatid niya na ito ang bahalang mag-asikaso, sasabihin niya sa kapatid na sorpresahin ang ina, ang bunsong kapatid niya ang kokontakin dahil alam niyang ito na lamang na kapatid niya ang naiwan sa kanilang bahay, mahilig kasi ang nanay niya sa dramatic effect at mga sorpresa. Alam niyang nagsibalikan na sa kani-kanilang trabaho ang