CHAPTER 107.

"Saan naman kaya nagpunta ang lalaking 'yon?" tanong niya sa sarili.

Palabas na siya ng silid. Nag half bath na muna siya dahil naiinitan nanaman ang pakiramdam niya. Ganitong-ganito rin siya noon nun magbuntis siya sa kambal. Pinagkaiba lang ngayon at hindi siya nakakaranas pa ng morning sickness na gaya ng dati.

Kaya laking pasalamat niya rin na hindi siya nagsusuka para walang ideya ang asawa niya na buntis siya. O baka naman hindi pa talaga ngayon.

Dumaan muna siya sa kwarto ng kambal at sinilip ang mga anak. Pumasok siya sa loob at nakita niyang nakahiga si yaya Gina sa sofa at nang makita siya nito ay babangon sana ito pero senenyasan niyang humiga lang ito roon.

Nilapitan niya ang mga anak at dinig na dinig niya ang mahinang hilik ng mga ito. Gaya ng araw-araw, pagod sa kakalaro at kakadaldal ang mga ito.

Pareho niya itong binigyan ng tig-iisang halik sa noo, saka siya lumabas ng silid.

Tahimik pa rin sa sala at malamang wala pa si Vince. Hindi pa umuuwi ng bahay an