(S4) 46. ARGUMENT 2

TRACE

“Daddy!” tumatakbong Cadence ang lumapit sa akin.

Ang dalawa naman, sina Gunner at Killian, ay sumusunod habang nag-uusap, na parang sino-solve ang problema sa ekonomiya ng Pilipinas kaya hindi ako pinapansin. May pakumpas-kumpas pa ng kamay si Gunner habang nagsasalita at sigeng tango si Killian.

Sumusunod din sa kanila ang mga yaya nila na bitbit ang mga pusa. Ang apat na Maine Coon ni Chloe. Dahil malalaki ang mga pusa ay nakalagay ang mga ito sa hawla. Hawak ni Remedios si White, si Ligaya kay Black, si Carla na yaya ni Cadence ang may bitbit kay Gray, at si Cash ang may dala kay Ginger.

Ipinasundo ko ang mga bata sa Salvacion pero hindi ko inakala na isasama nila ang mga pusa. Pero narito na kaya ano pa ba ang dapat kong ireklamo?

Ang plano ko na ako sana ang susundo sa kanila ay hindi natuloy dahil parating si Alguien. Isa pa ay para maiwasan ko na rin ang mga taga-media na nakaabang sa akin sa tapat ng mansion ni Papa sa Salvacion.

Masyado na naman akong sikat ngayon