Bastarda Series-√: The Melody of HEARTBREAK

•RASSELLE

"Ano ba ang sinusulat mo sa Slam Book mo kapatid? Hanggang ngayon ba naman meron ka n'yan? Panahon pa 'to ng digmaan ng mga Kastila at Amerika. At saka hindi kana high school student." Tanong ni Chyrll sa akin.

"Huwag mo na akong pakialaman dito kapatid. Ubusin mo na yang kape mo, dahil kanina pa yan sa harapan mo nag-aabang kung kailan mo siya hihigupin." Nakangiti kong sagot sa aking kaibigan, sabay turo sa kaniyang kape na naiinip na. Kung tao lang seguro ang kape, baka nagsalita na ito at nagreklamo.

"Patingin nga ako, nahihiwagaan talaga ako sa sinusulat mo." Sabi nito sabay hablot sa Slam book ko.

Nag-agawan kami, pero ayaw niya talagang ibalik sa akin. At marami na ding nakatingin sa amin na kapwa naming costumer dito sa Starbucks.

"Akin na kapatid! Isusumbong kita kay Tito Wilson na may binabalak ka nanaman na tumakas at pumunta sa Casa Isabella! mamayang gabi" Pananakot ko, baka sakaling matakot sa pagbabanta ko. Baliw pa naman ang kaibigan kong ito.

"Gusto mo samahan pa kita kay Daddy. Manhid na ako sa sermon non noh! Paulit ulit na lang ang mga litanya niya. Baka ikaw ang isumbong ko kay Tito William na may crush kana. Kaya, huwag kang madamot, babasahin ko lang eh.

Hindi na ako nakipag-agawan pa sa kaibigan ko. Hinayaan ko siyang gawin ang gusto niya.

Name: Rasselle David

Nickname: Dyesebel

Address: Bawal isulat, magagalit si Mommy at Daddy, baka puntahan ako ng mga manliligaw ko, kahit wala naman.

Pager no. none

Birthday: 03/19/2006

Age: 19

Zodiac Sign: Virgo

Favorite Subject: Syempre ang paborito ng lahat, recess

Books: Wala, sakit lang sa ulo.

Favorite Movie : Ihuhulog kita sa puso ko.

Favorite Color: Red, Blue

Music: The Past

Singer: Rey Parker

TV Program: Sineskwela / Going Bulilit

Channel: Imbestigador at Socco

Dress Outfit: Fitted para sexy ako palagi

Perfume: Downy Antibac para tipid. Kailangan magtipid ang mahal ng tuition f*e ngayon sa College,

Pets: Tikbalang

Lucky # 19

Motto in Life : What is beauty? if the brain is empty

Who is your Crush? Si Bentong Duling at Bungi

Define Crush: is Paghanga

Who is your first kiss? Ipis at butiki.

Favorite Expression: Nakanguso, duling dulingan

Who is your Bestfriend? Chyrll Laitera.

What is your ambition in life to become succefull?

"Sa ngayon, wala pa. Landi landi mona ako ngayon.

Talents? "Dance, Singing . Okay! Natutulig na tainga ko saiyo.

^The other side of me.^

What is love? "Hay naku! 'Wag mo nang ipaalala. Ayaw ko ng balikan 'yan. Next question pls!

Who is your first love?

"Pati ba naman 'yan babalikan pa natin? Wala bang ibang tanong?

Yes! Kaya nga tinawag na 'slam book' eh Ang dami mong reklamo.

"Nakakaloka! Nangangatwiran ang slam book.

Sasagot ka ba o hindi?

" Ok! Fine! Hulaan no na lang para may thrill! Hindi yong puro ka lang tanong diyan. Kaloka ka, wala kang ibang ambag kundi ang magtanong lang.

Malaki ba siya?

"Hellllo! Lahat naman ng crush ko, sa tingin ko ay malaki 'di ba? Walang small. Walang toothpick, Lahat sila... Patola size! Hay naku! Hindi na dapat tinatanong yan, matic na malaki ang lahat sa kanila.

Even Enchong Dee,?

"Crush ko ba 'yon? Parang hindi naman. Hindi ko na-feel. Mukhang maliit yong kanya. Malaki pa yata ang okra ng middle east sa kanya.

Message mo sa crush mo, seguro naman meron ka non?

"Alam mo, sa dami mong tanong yan lang ang nagustuhan ko. Syempre meron, yan paba mawawala. Magsusulat na ako ha, tama na ang madaming tanong. Okay! Natutulig na tainga ko saiyo eh.

"Dear Crush,

Una sa lahat, at hindi sa huli. Crush ko ang tatay mo- Charot -Malamang ikaw yon. Hindi naman ako disperada para maging sugar Daddy ang tatay mo, at ayaw kong makalbo ng nanay mong pakialamera- na mala Anabelle Rama at Carmina Villaruel -Charot ulit." Basa ng aking kaibigan.

"Pwede ba, hinaan mo lang yang pagbabasa mo! Pinagtitinginan na nila tayo." Saway ko sa aking kaibigan.

"Oo na, huwag ka ng makulit. Para kang sira sa sinusulat mo. Yong tatay ang crush mo, kadiri ka naman kapatid." Tumatawang sabi pa nito sa akin, at kunwari pang nandidiri sa akin.

"Akin na nga kasi yan. Para ka ding sira diyan eh. Slum book for myself ko 'yan eh.

"Hindi pa ako tapos, teka lang.

Inilayo pa nga n'ya sa akin ang Slum Book ko.

Napapatakip na lang ako ng palad sa aking mukha, at talagang nilalakasan pa niya ang kaniyang boses habang nagbabasa.

Kaunting patalastas lang, gusto kong patawanin ka, hanggang sa sumakit ang tiyan mo at mapaebak ka sa short mo, hehehe. Sege na nga. Sisimulan kona kung bakit sumulat ako saiyo. Ganito kasi 'yan, wala akong magawa ngayon, gusto ko lang bulabugin ang nananahimik mong mundo, hehe, piece. Charot ulit. Nakakailang Charot naba ako? Pangtatlo konaba? Kulang pa, dagdagan ko pa ha. Sumulat ako dahil may bagong bili akong papel at ballpen galing Canada. Last na to pangako. Ehem... Alam mo crush kita, kahit alam kong duling ka at bungi ka. Hindi crush ng eroplano ha, kundi crush sa puso, hindi din puso ng saging ha, kundi puso ng tao. Alam mo kung bakit? Kung sakaling lukohin kita, hindi mo ako masisisi dahil alam mo na ang sagot dahil pangit ka, dahil nagsawa na ako saiyo at naghanap na ako ng gwapo. Alam mo, iniisip ko, hindi tayo tao, kundi bagay tayo, hehehe. Ang talandi ko ba? Shit! Kinikilig ako, para akong kinukuryenteng isda ngayon habang sinusulat ko itong liham na'to para saiyo. Huwag kang maingay ha, atin atin lang 'to. Kapag pinagsabi mo, matic break na agad tayo, kahit hindi pa nagiging tayo. Kaligayahan mo ay kaligayahan ko din, ang kalungkutan mo ay kalungkutan ko din. Ang tagumpay mo, syempre tagumpay ko din. Ang kamatayan mo, aba! Sulohin mo noh!!! Ano ako stupida para sumama saiyo? No way, ano ka sinuswerte, may pangarap pa ako sa buhay, at pangarap ko pang makapag asawa ng afam na mayaman. Okay ito na talaga, hindi kona pahahabain pa, baka abutin pa tayo dito ng sagala. At alam kong hindi kana natutuwa sa mga pinagsasabi kong nonsense. Nakikita kona rin kung gaano kalaki ang butas ng ilong mo, kasing laki ng butas ng kalabaw ni Yaya Aning sa Probinsya.

Sumulat nga pala ako saiyo, dahil gusto ko lang ipaalala saiyo na may kulang ka pa na limang peso sa akin ng mangutang ka sa akin ng sinabi mo na ililibre mo kami ng aking kaibigan na si Chyrll sa Starbucks, Kilala mo naman siya diba? S'ya yonh kaibigan ko na mahilig umakyat sa puno ng mangga kapag gusto naming tumakas at pumunta sa bar, o tanda mona. Iyon pala ay wala kang dalang pera. Akala mo, hindi na kita sisingilin sa halagang limang peso? Bayaran mo ako kapag nabasa mo ang sulat kong ito. Kapag hindi mo ako binayaran, tutubuan ko ang limang peso na kulang mo, araw araw. At huwag mong kakalimotan na magpasalamat sa kalapati kong alaga, dahil napagod siyang lumipad, maihatid lamang ang sulat ko para saiyo.

Hanggang dito na lang

Ang DYOSA SA UNIVERSE Rasselle

Naniningil

Hanggang sa matapos ni Chyrll ang pagbabasa ng slum book ko, ay tawa lamang ito ng tawa.

"Ano, tapos kana?" Nakairap kong tanong.

"Ito na," Tumatawa pa din ng ibalik nito sa akin ang pinakaiingatan kong Slum book -noon at hindi na ngayon dahil may pakialamera akong kaibigan.

"Mabuti naman binalik mona, akala ko iuuwi mo pa. Nakakainis ka alam mo ba 'yon? Tingnan mo sila nakatingin sa atin at pinagtatawanan nila ako.

"Paano ba naman ako hindi tatawa? Puro kabaliwan yang sinusulat mo sa Slam Book mo, tapos para ka lang nakikipag-usap sa sarili mo." Malukong sagot ni Chyrll.

"Ewan ko saiyo, palibhasa ampalaya yang lovelife mo. Walang lalaking nagkakamali saiyo." Ganti kong pang-aasar sa aking kaibigan.

Ganito kami palagi, mahilig kaming magkaibigan na tumambay sa kapihan. Kahit may sarili na kaming Coffee shop na dalawa. Gusto parin namin ang ganitong eksena. Gusto pa kasi namin madagdagan ang kaalaman sa pagbebenta ng mga kape.

Umingos ito ng nguso sa akin. Alam ko na kapag ganito ang kaibigan ko, napipikon na ito sa akin.

Nalulungkot ako sa kaibigan ko, buhat ng umuwi ito dito sa Pilipinas ay nagkaroon ito ng sakit na amnesia sa hindi ko malaman na dahilan. Dahil kahit mismo siya ay hindi alam ang naging dahilan. Pinagdarasal ko na lang na sana isang araw ay mag miracle. Bumalik ang alaala niya. Tanging naalala na lamang nito ay ang mapait na nakaraan, sa mag inang Tita Rochelle at Carlyn.

"Umuwi na nga lang tayo, magpahinga mona tayo ngayon bago tayo tumakas mamayang gabi." Pag-aya na lang nito sa akin. At akmang tatayo na ito.

"Kapatid, paano kung huwag na lang kaya tayo umuwi. Ganun din naman, mapapagalitan din tayo kapag tumakas tayo mamaya." Pigil ko.

Nag-isip ito saglit, at maya maya ay lumiwanag ang mukha nito.

"Good idea yan kapatid. Takasan natin ang mga body guard mo. Pagkatapos, maghanap tayo ng hotel na pansamantala nating pagtatambayan." Masayang turan nito.

Dahil sa tuwa namin ay nag high five kaming dalawa.

Nagmamadali kaming tumayo sa aming inuupuan. Sinilip mona namin ang aming bodyguard sa labas. Nagkatinginan kaming dalawa na magkaibigan. Alisto ang dalawa. Nakabantay sa exit door.

"Paano tayo makakatakas kapatid kung bantay sarado tayo ng mga bugok na ito?

"Ako ang bahala, kapatid. Kumalma ka lang diyan.

Lumapit sa amin ang dalawang bodyguard.

"Ma'am Rasselle, uuwi na po ba tayo?" Tanong sa akin ni Jerome.

"Hindi pa, gusto ko lang sabihin sainyo na matatagalan kami dito. Kung gusto n'yong umorder ng kape, pumili lang kayo, at ako na ang bahalang magbayad." Sabi ko

Nahihiya naman na ngumiti ito sa akin.

"Hindi na po Senyorita Rasselle, trabaho po namin na bantayan kayo dito, kahit magtagal pa po kayo ni Senyorita Chyrll." Magalang na sagot ni Jerome.

Tumango tango ako ng aking ulo. "Pero, kapag nagbago ang isip nyo, pumunta lang kayo sa counter, okay!" Sabi ko pa.

Tumalikod na nga kami ng aking kaibigan sa dalawang bodyguard ko.

"Akala ko ba ikaw ang bahala? Bakit wala kang ginawa?"

"May naisip na ako kapatid, kaya humanda kana. Sumunod kana sa akin sa comfort room.

"Ano naman ang gagawin natin sa Cr? Hindi naman ako naiihi.

"A, basta. Sumunod kana lang sa akin. Huwag ng marami pang tanong, kapatid. Gusto mong sumama sa akin magbar diba?

"Oo," Sagot ko na may kasama pang pagtango ng ulo.

"Yon naman pala eh. Sumunod kana lang sa akin. Okay!

Sumunod na nga lang ako sa likuran ng aking kaibigan.

Pagkapasok na pagkapasok namin sa loob ng c.r ay kinandado ni Chyrll ang pinto.

"Kaya mo bang umakyat diyan sa bintana kapatid?" Tanong sa akin ni Chyrll.

"Parang oo, parang hindi kapatid." Kinakabahan na sagot ko. Ang hirap talagang tumakas sa bodyguard ko kapag ganitong may ginagawa kaming kalokohan.

"Para ka talagang sira. Halika, tingnan natin. Hindi naman seguro masyadong mataas ang tatalunin natin." Sabi pa nito na hindi mo makikitaan ng takot.

Pikit mata na lang akong sumampa sa inodoro. Pareho kaming nakasampa at sabay din naming sinilip ang labas ng bintana. Malaki naman ang bintana, kasing laki ito ng pangkaraniwang bintana sa bahat, at magkakasya kaming dalawa kapag sabay kaming umakyat.

"Ano, game?" Tanong sa akin ni Chyrll.

Agad naman akong tumango ng ulo.

"Sege, pero mag pray mona ako. Baka ito na ang huling sandali ko sa lupa.

"Huwag na, pampatagal lang 'yan.

"Sege na nga, kontrabida ka talaga.

Sabay na nga kaming sumampa sa pasimano ng bintana. Yakap yakap ko pa ang Slam book ko. Hindi ko pwedeng iwan ito, kahit ano pa ang mangyari. Kahit mamatay pa kaming dalawa ng aking kaibigan sa gagawin naming pagtalon sa bintana ng C.R.

Mukha na kaming butiki na kapit na kapit ang pagkakahawak sa bintana.

"Kapatid, handa kana ba? Mauna na akong tatalon, sumunod kana lang sa akin.

Tumalon nga ang aking kaibigan sa hindi kataasan na bintana.

Sumunod naman ako.

"Ayos, kapatid. Nagawa natin!" Masaya kong sabi. At parang bata na pumapalakpak pa ako.

"Ang galing natin." Masaya ding ani ni Chyrll at nag aper pa kaming dalawa.

"Mga kuya, ayon po sila. Ang hinahanap po ninyo!" Rinig naming sabi. Pareho kaming napalingon at nagkatinginan pa kaming magkaibigan

"Senyorita Rasselle, Senyorita Chyrll! Bumalik po kayo dito!" Tawag sa amin ni Jerome at Lander.

"Kapatid, takbo!" Sambit ko.