CHAPTER 300: The Bracelet

"ALAM MO NA kung ano ang sagot ko diyan, Theo. Kung ano man itong mayroon sa atin ngayon, pansamantala lang. At 'yung tungkol sa singsing pala na binigay mo sa 'kin..." Bahagyang tumigil si Amanda at bumuntong hininga. "Walang ibig sabihin iyon sa akin. Sa huli, buo pa rin ang desisyon kong... umalis."

Wala ng pakialam si Amanda kung masyado siyang naging marahas sa sinabi. Ang gusto lang niya ay tumatak sa isipan ni Theo ang orihinal niyang mga plano na hindi naman talaga lingid sa kaalaman nito.

"'Wag mo ring pigilan ang sarili mong magkagusto sa iba, Theo. Dahil ayos lang talaga sa 'kin... walang problema..." dagdag pa ni Amanda.

May dumaang sakit sa mga mata ni Theo. Pero kahit na gano'n, sinikap pa rin nitong ngumiti at umaktong hindi ito nasaktan sa mga sinabi ni Amanda. Nilunok niya ang bata sa lalamunan bago muling nagsalita.

"May mga regalo ka sa kabilang kwarto na mula sa mga ilang kakilala. Pwede mong puntahan para mabuksan mo," sabi na lang niya at iniba ang usapan.

Tumang