Chapter Eight: Ang Palaban Na Si Celeste

Makalipas ang ilang oras.

Naglalakad ngayon si Clarissa papasok ng  Angels Home Orphanage. Matapos ang limang araw na pagtatarabaho ay makasama niya muli ang mga bata sa orphanage. Makakalaro niya muli ang mga bata and she will spend longer time with them...

"Wow, may bago na akong laruan! Maraming salamat po!"

Agad na napalingon sa kanyang kaliwa si Clarissa, at nakita niya ang napakagandang babae na nagbibigay ng mga regalo sa mga bata...

Bigla siyang na-curious sa babae. Sino kaya siya? Gusto niya sanang magpasalamat dahil sa kabutihan na ginagawa niya para sa mga bata...

Naputol sa pag-iisip si Clarissa nang bigla siyang kausapin ni Sister Grace.

"Bakit nakatayo ka lang dito, iha? Bakit hindi ka pumasok sa loob? Sabik na sabik ka nang makita ng mga bata." ang nakangiting bati sa kanya ng matandang madre.

"Kadarating ko lang po, Sister Grace. Gusto ko pong itanong kung sino ang ating bisita ngayon?" ang curious na tanong ni Clarissa.

"Ah, siya si Miss Celeste Vitale. Nakipagusap siya sa amin sa telepono ilang araw na ang nakakaraan, at sinabi niya na gusto niyang mag-donate sa bahay-ampunan natin at bigyan ng regalo ang mga bata..." ang malumanay na paliwanag ni Sister Grace.

Napaisip si Clarissa dahil pakiramdam niya ay pamilyar o narinig na niya ang pangalang Celeste Vitale...

"Hi there, Clarissa!"

Naputol sa pagmumuni-muni si Clarissa nang marinig niya na may tumatawag sa kanya, at iyon ay walang iba kung hindi si Celeste Vitale. Nakangiting kumakaway ito sa kanya.

Gumanti rin ng ngiti si Clarissa, bilang pagbati niya sa babae...

===========================

Makalipas ang ilang sandali.

Kasalukuyang nag-uusap sa dining hall sins Clarissa at Celeste, habang nagkakape sila.

"Gusto ko sanang magpasalamat sa pagbibigay mo ng regalo sa mga bata at sa donasyon mo sa bahay-ampunan. Malaking tulong iyon para sa mga bata at sa mga madre. Pagpalain nawa kayo ng Diyos..." ang sinserong pahayag ni Clarissa kay Celeste.

"Well... To tell you the truth, I have another reason why I went here. And that is because of you." ang misteryosong anunsiyo ni Celeste.

"Sana ay huwag mong masamain ang tanong ko, pero nagkakilala na ba tayo dati?" ang curious na tanong ni Clarissa.

Umiling si Celeste bilang sagot.

"Ito ang unang beses nating pagkikita, pero kilala na kita, Clarissa. I have to apologize in advance but I already asked someone to do a background check on you."

"P-Pero bakit? Anong dahilan?" mas lalong lumalalim ang pagtataka ni Clarissa.

"First, introductions are in order. My name is Celeste Vitale, and I am Michele Montserrat's fianceè." ang nakangiting pagpapakilala ni Celeste sa kanyang sarili.

Nanlaki ang mga mata ni Clarissa dahil sa labis na pagkabigla nang ipakilala ng babae ang kanyang sarili. Kaya naman pala medyo pamilyar sa kanya ang pangalan nito. Binanggit na ni Michele minsan na ipinagkasundo siya ng mga magulang na ipakasal sa isang babae na nagngangalang Celeste!

"I'm so sorry kung nabigla ka sa sinabi ko, but that's the truth." ang kaswal na turan ni Celeste.

"Nasabi sa akin ni Michele ang tungkol sa arranged marriage ninyo." ang sambit ni Clarissa.

"Yes, this arranged marriage was originally for business and partnership. But I am confident to say that I can make Michele fall inlove with me. Bukod pa doon ay mas magiging maganda ang future ni Michele kapag natuloy ang kasal namin. Siya ang magiging leader ng La Famiglia. At para mangyari iyon, kailan naming pagpakasal ni Michele at bumuo ng pamilya upang maipagpatuloy ang amung angkan." ang seryosong paliwanag ni Celeste.

"Pero hindi iyon ang gusto ni Michele..." muling nagsalita si Clarissa.

Diretsong tinitigan ni Celeste si Clarissa.

"Wala ka nang magagawa, Clarissa. Layuan mo na si Michele or else..."

"Tinatakot mo ba ako?" ang matapang na naitanong ni Clarissa.

"No, I'm not threatening nor scaring you. I'm just giving you a friendly warning." ang malamig na tugon ni Celeste.

Magsasalita pa sana si Clarissa pero hindi na niya nagawa dahil tumayo na si Celeste.

"It was good to finally meet you, Clarissa. Pero mas makakabuti kung hindi na tayo magkikitang muli." ang seryosong pahayag ni Celeste.

Matapos noon ay naglakad na ang babae palayo kasama ang dalawang bodyguards nito...

Biglang kinabahan si Clarissa, hindi para sa kanyang sarili, kung hindi para sa mga madre at mga bata sa bahay-ampunan na ito...

Kailangan niyang protektahan ang kanyang mga mahal sa buhay sa lahat ng mga nakaambang panganib.

Ngunit ano ba ang maaari niyang gawin sa sitawasyon na ito?