Chapter 116

Ilang sandali pa ay nakarating na kami sa isang Japanese restaurant. Mabuti na lang at may alam ako kahit papaano sa dining etiquette nila, kaya hindi naman ako napagkamalang ignorante. Ang problema nga lang ay hindi ako sanay kumain ng sushi at sashimi. May isang beses ngang nasuka ako dahil sa lansa. Mabuti na lang at may inorder pa silang ibang pagkain katulad ng tempura at karaage kaya iyon na lang ang nilantakan ko.

"Alam mo ba, Miss Alvandra, paborito ni Mael ang Japanese cuisine?" sambit ni Miss Levanier, kaya napatingin ako sa kaniya. Nababahiran sa mukha ko na hindi ko alam ang bagay na iyon.

"Mabuti pala at dito tayo dinala ni Yves para madalhan mo siya ng pagkain," dagdag pa niya. Sandali nga, alam niya bang may relasyon kami ni Ismael?

Tumango ako, bago pinag