Chapter 27

Averill's POV:

Nagising ako nang maramdaman na may pagulong-gulong sa kama ko kaya agad kong tinignan ang katabi ko.

"Huh?" bulong ko dahil sa pagkakagulat na rito pala nakatulog si Seya.

Dali-dali naman akong tumayo at saka inayos ang pagkakahiga niya dahil muntik na siyang mahulog kanina sa kama.

Agad naman akong tumayo at saka inamoy ang damit.

Napatakip na lang ako ng ilong matapos maamoy ang sarili.

"Ang baho ko na pala..." Iling-iling na bulong ko sa sarili.

Agad akong naghanap ng damit at nagpasiya na maligo kahit na kagigising pa lang.

Ito pala ang kalalabasan kapag hindi ako nag-half bath, grabe! Ang baho ko na.

Sa aking pagligo ay marahan kong sinabunan ang aking katawan ngunit natigilan ako nang maalala ang paghawak at pag-amoy sa akin ng lalaki kagabi.

Napapikit ako ngunit agad din naman akong nabalik sa reyalidad nang mahulog ko ang sabon.

Agad ko itong kinuha at saka mabilis na sinabunan ang katawan at parte kung saan ako hinawakan ng gàgo na 'yon.

Natigilan lang ako na