Chapter 47

Napapikit na lang ako dahil sa init at dahil sa pangangawit ng katawan ko dahil sa posisyon ko. Kahit si Kuya ay halata ko na rin na nahihirapan na rin siya.

Bakit ang tagal naman kasi dumating ng tulong? Kanina pa umalis si Ate, ah? Halos sampung minutos na ang nakakaraan.

"Put—" Muntik na akong mapamura nang sipain ako ni Jelle dahilan para makawala siya sa akin. Hindi kasi sinasadyang naluwagan ko ang pagkakaipit ko sa kaniyang mga paa dahil sa pagkakangalay.

Mabilis ko siyang hinabol pero natigilan ako sa pagbaba ng hagdan nang makita na hawak-hawak siya ng mga hindi ko kilalang mga lalaki at kasama nila si Ate.

"Hawakan niyo siya nang mabuti!" sigaw ng isa.

Exorcists...?

Agad akong napalunok nang makita kung paano sila magpaalis ng kaluluwa sa isang katawan.

Oo, alam ko na sila dapat ang tawagin kapag may sinasapian pero sana naman ay hindi pa muna umuwi si Silas...

Hindi ko ramdam ang kaluluwa niya sa buong bahay kaya nakakaluwag-luwag pa ako pero sana! Sana... hindi muna siya