CHAPTER 1

"Tamara!" 

Napalingon ang nakaupong dalaga sa tumawag sa kaniya. Kumaway siya sa babaeng kinakatakutan ng kaniyang boss. 

"Ang ingay mo, Kryzell," nakangiting wika ni Tamara sa excited niyang kaibigan. Dedma naman ang babae sa sinabi niya at sa halip ay excited itong naupo sa katapat niyang upuan. 

"Tamara, may gwapo akong nakita nang pumunta ako sa CR! Hindi ko siya kilala pero familiar ang mukha niya sa akin," nakangiting sabi ni Kryzell. Asawa siya ni Kaizer, ang pinuno ng Devil's Angel Mafia Organization. 

Nasa isang high class restaurant sila at kumakain na naman si buntis ng pinaglilihian niyang pipino. Pangatlong pagbubuntis niya na iyon pero hanggang ngayon, nawawala pa rin ang kaluluwa ni Kaizer sa tuwing nagagalit siya. 

"Boy na naman?" tinatamad na tanong ng dalaga sa tinaguriang hidden angel ng grupo nila . 

"Oo, lalaki. Tara! Ipapakilala kita!" excited na sabi ni Kryzell. 

Hinila niya ang kaibigan sa kamay at mabilis silang lumakad pabalik sa CR na pinanggalingan ni Kryzell kanina. 

"Mapanganib ito," nag-aalala na sabi ni Tamara. 

"Manganganib ka talaga kapag hindi ka sumunod sa akin," banta ng asawa ng mafia boss.  

Sa sobrang pagmamadali nila ay hindi namalayan ni Tamara ang isang matangkad na lalaki na mabilis din ang mga hakbang. Naiwasan ito ni Kryzell pero nagkabanggaan naman silang dalawa.

"Tamara, right?" tanong ng lalaki sa dalaga. 

"Yes. Bakit mo ako kilala?" ganting tanong din ni Tamara. Naningkit ang mga mata ng dalaga dahil presko ang dating sa kaniya ng binata. 

"Will you marry me?" nakangiting tanong ng lalaki. 

Napatingin si Tamara kay Kryzell na hawak pa rin ang kaniyang kanang kamay. Sa gilid ng kaniyang mga mata ay nakita niyang palapit sina Kaizer at Ruel. Nakahawak sila sa baril na nasa kanilang mga baywang. 

May napipintong gulo! 

Ngunit kahit magaling at alerto ang dalaga sa pakikipaglaban, napako siya sa kaniyang kinatatayuan. 

Wala pa kasi siyang nabalitaan na nabangga lang, inalok na agad ng kasal!  

"Baliw ka ba?" mataray na tanong ni Kryzell sa lalaki. 

"Ma'am, Lt. Andrei Montillano po," inilahad ni Andrei ang kamay niya upang makipagkamay kay Kryzell. 

The mafia boss's wife gasped in astonishment. She then smiled afterwards. 

"Siya nga! Tamara, siya iyong lalaki na sinasabi ko," masayang sabi ni Kryzell. 

"Guwapo nga!" Tiningnan ni Tamara ang lalaki na para bang noon lamang siya nakakita ng ganoong klaseng lalaki. "Sira ulo lang!" 

Nang makalapit sina Kaizer at Ruel ay agad silang nagtanong kung ano ang nangyayari. Nakasimangot kasi si Tamara na nagmartsa pabalik sa table nila. Sa halip na sumagot ay sumimangot rin si Kryzell sabay sunod kay Tamara. 

"Baliw talaga ang mga babae," sabi ni Ruel. 

"Mukhang kakailanganin ko na naman ang bulletproof vest at helmet nito. Hindi ko na yata kakayanin ang fifty na anak," kumakamot sa ulo na wika ni Kaizer. 

Habang nag-uusap ang dalawa ay nawala sa tabi nila si Andrei. Ang brown na mata nito ay nakatutok lang kay Tamara na noon ay wala na ang magandang ngiti sa mukha.

Sa table ay nangalumbaba si Tamara. Lukot din ang mukha ng kaharap n'ya habang gigil na tinutusok ng tinidor ang pipino na nasa platito.

"Lt. Andrei Montillano," sambit ni Tamara. "Familiar sa akin ang apelyido niya." 

Na-curious si Tamara kay Andrei. Pilit niyang binabalikan sa isip ang height at kulay nito. Habang sumusubo ng lasagna ay inilibot niya ang paningin sa buong restaurant. Ngunit wala na ang binata. Ang nakikita niya ay ang mafia boss na si Kaizer habang pilit nitong inililiyad ang dibdib para hindi ito magmukhang natatakot sa buntis niyang asawa. 

Pagkatapos kumain ay naisipan ni Tamara na humiwalay sa grupo ng Devil's Angel Mafia Organization. Wala nang masyadong panganib dahil nabuwag na ang matatag na grupo ng Triangulo kaya malaya na silang nakagagalaw. Hindi rin sila hina-hunting ng batas kaya kahit makasalubong niya ang mga pulis ay okay lang sa dalaga. 

After a few minutes of walking, minabuti ni Tamara na umupo sa isang park malapit sa Baywalk. Nasa boundary lang kasi siya kanina ng Pasay at Manila kaya mabilis lang siyang nakarating sa bagong lokasyon niya. 

Tamara keeps shaking her heads. She is trying to remember the surname of the man na parang baliw kanina sa restaurant. Hindi n'ya kasi matandaan kung saan niya narinig ang apelyido nito. 

Saglit na nagmuni-muni si Tamara. Naiintindihan niyang gusto ni Kryzell na maging masaya siya. It's been two years since she began to isolate herself from all men. Hanggang ngayon kasi ay nagluluksa pa rin siya sa pagkamatay ni Samuel. 

Inipit ni Tamara ang magkatakip niyang mga kamay sa pagitan ng kaniyang hita. She closed her eyes. After how many seconds, tumingala siya para pigilan ang mga luhang nag-uunahan na sa pagpatak. 

"Bakit ang lupit sa akin ng Diyos?" she asked herself. "Minsan lang ako nakaramdam ng totoong pagmamahal ng isang lalaki, kinuha naman agad siya ng langit." 

Walang kamalay-malay si Tamara na habang emosyonal siya ay may mga matang nakatingin sa kan'ya. Pinag-aaralan nito ang bawat kilos niya. Minimemorya ang bawat galaw niya. Nakamasid ito sa bawat pagpunas niya ng mga luha. 

Maya-maya pa ay naisipan ni Tamara ang lumapit sa isang ice cream vendor. Simula nang maayos ang problema ng Devil's Angel Mafia Organization ay naging ugali niya na ang lumakad mag-isa. Mas gusto n'yang e-enjoy ang bawat sandali ng s'ya lang at walang sino mang istorbo.

Nakakailang hakbang pa lang si Tamara nang umalingawngaw ang putok ng baril. Ang maamo niyang mukha ay biglang namula. Mabilis siyang bumunot ng baril at naghanap ng makukublian.

"Gágo! Saan galing ang putok na iyon?" malakas na sabi ng dalaga. Nagkubli siya sa likod ng isang matandang puno. 

Agad na dinukot ni Tamara ang cellphone niya. Tinawagan niya agad si Ruel. 

"Ruel, nasaan na kayo nina boss?" tanong niya sabay yuko. "Shït! Ako ang puntirya ng kalaban?" 

"Sinong kalaban, Tamara?" 

"Hindi ko alam! Binabaril ako. Kailangan ko ng rescue!" 

"Nasaan ka?" 

"Nasa may Baywalk ako!" sumisigaw na si Tamara. Sunod-sunod na kasi ang balang pumapatak sa may pinagtataguan niya. Sinabihan niya si Ruel na puntahan siya bago niya pinatay ang tawag. 

Maya-maya pa ay nakikipaglaban na si Tamara. Sanay siya sa labanan at hindi siya nakakaramdam ng takot kahit nasa bingit na siya ng kamatayan. Para sa kaniya, ang buhay niya ay walang silbi. Wala rin kasi siyang pamilya o ano pa man na pwedeng masaktan bukod kina Kaizer at Kryzell. 

"Buwiset! Muntik ako roon, ah!" malakas niyang sigaw habang nakikipagpalitan ng putok. 

Subalit lahat ng tapang niya ay biglang naglaho nang nakita niya ang mga bumabaril sa kaniya. Mga unipormadong sundalo kasi ang mga ito. Napatanong siya ng, "bakit," sa kaniyang sarili. Hindi n'ya kasi alam kung ano ang dahilan ng mga alagad ng batas para barilin siya. 

Muli niyang tinawagan ang kaniyang mga kasama sa organisasyon. Nagtataka na tinanong niya ang mga ito kung may nakuhang impormasyon ang intel nila tungkol sa pag-atake ng mga sundalo.

"Don't fight back! Maghanap ka ng safe place. Hindi tayo pwedeng lumaban sa mga sundalo dahil baka masira ang ugnayan natin sa kanila," utos ni Kaizer. 

Bilang masunurin na miyembro ng elite force ng Devil's Angel Mafia Organization ay hindi na nangatwiran pa si Tamara. Lilinga-linga siya sa paligid para makahanap ng safe place. Kating-kati na ang mga palad niyang lumaban pero may utos ang kan'yang boss at kailangan niyang sundin iyon. 

Sa kabila ng mainit na putukan ay nagawa ni Tamara na lumipat ng pwesto. Sinikap niyang sa tabi ng daan, malapit sa plant box, magtago para madali siyang makita ng grupo ng Devil's Angel Mafia Organization kung sakaling dumating na ang mga ito. 

Ngunit wala pang ilang minuto siya sa kaniyang pinagtataguan nang ratratin siya ng mga kalaban. Hindi niya akalain na mas lantad pala ang lugar na kinaroroonan niya ngayon kaysa kanina. Ipuputok n'ya na sana ang baril nang isang sasakyan ang tumigil sa tabi niya. Bumukas ang pintuan noon.

"Tamara, get in!" sigaw ng isang tinig. 

Tamara jumped into the car without hesitation. While crossing the gunfire, the driver drove as fast as he could. Subalit alerto ang dalaga. Kahit late niya nang nalaman na hindi grupo nila ang nakakuha sa kaniya, hindi siya pahuhuli ng buhay. 

"Bakit mo ako pinasakay dito?" tanong ng dalaga sa driver. 

"Kailangan bang may dahilan ang pagtulong sa kapwa?" tanong din ng hindi man lang natinag na si Andrei kahit nakatutok sa ulo niya ang baril ng kaniyang pasahero. 

"Mister, ibaba mo ako sa tabi." 

"Para mahuli ka nila? No way! Ikakasal ka pa sa akin," sagot ng binata. "Ibaba mo iyang baril mo at baka makalabit mo iyan. Sayang ang semilya na ipupunla ko para magkaroon tayo ng mga gwapo at magandang anak."

Tamara laughed her heart out for the first time since Samuel's death. Naalala niya na namang muli ang namatay na nobyo. She poked Andrei, but she was seen crying uncontrollably afterwards. 

"Lieutenant, bakit mo ako iniligtas sa mga kasamahan mo?" Tamara asked after sobbing. 

"Aasawahin pa kasi kita," he answered. 

"Seryoso ka ba? Nasa point pa naman ako ngayon ng buhay ko na kahit puno ng niyog ay pakakasalan ko para lang matigil si buntis sa paghahanap ng lalaki para sa akin," sabi ng dalaga. 

"Yes. You are a gem na matagal ko nang tinitingnan lang mula sa malayo." Lumingon si Andrei sa bahagi ni Tamara at kumindat pa s'ya. 

Tumunog ang cellphone ng dalaga. Si Kaizer ang tumatawag at tinatanong kung nasaan na siya. Sinabi niya ang street na tinatahak nila. Ang bilin nito ay huwag siyang aalis doon. 

"Lieutenant, ihinto mo ang sasakyan at bababa na ako," matapang na sabi ni Tamara. 

"You're not safe here," tutol ni Andrei. 

Ngumiti ng ubod tamis si Tamara. Ikinasa niya ang baril at saka biglang tumigas ang maamo niyang mukha. 

"Ibababa mo ba ako rito o mamamatay ka rito?" mariin ang bawat salitang iyon. 

Inihinto ni Andrei ang sasakyan sa tabi. 

"Okay. Take it." Inilabas ni Andrei ang isang jewelry box. Mula roon ay kinuha niya ang isang mamahalin na singsing. 

"Spy camera ba iyan?" Nagdududa na tanong ng dalaga. 

"It's an engagement ring," sagot ni Andrei sabay kuha sa kamay ni Tamara. Hindi naman nagawang hilahin ni Tamara ang kamay niya dahil sa pagkalito. 

"We will get married soon," nakangiting sambit ni Andrei. Binuksan niya ang pintuan ng sasakyan at saka inalalayan n'ya ang hindi pa rin halos makakibong dalaga. 

Sa gilid ng kalsada, nadatnan ng mga miyembro ng Devil's Angel Mafia organization si Tamara na tulala lang at nakatitig sa singsing na nasa kaniyang daliri. 

"Saan galing iyan?" untag ni Kaizer sa tahimik na dalaga. 

"Engage na ako," parang bata na sabi ni Tamara. 

"Engage? Kanino?" sabay-sabay na tanong ng mga bruskong lalaki na miyembro ng mafia organization na kinabibilangan niya. 

Napatayo ang dalaga mula sa kinauupuan niya. Tiningnan niya isa-isa ang may-ari ng mga matang nakatingin sa kan'ya. Napakamot siya sa kaniyang ulo. Hinawi niya ang mga kasamahan at nagsimula na siyang humakbang patungo sa sasakyan. 

Ngunit bago pa man niya mahawakan ang pintuan ng van, napasulyap siya sa parking lot ng isang kilalang condominium. Napasinghap siya nang makita niya roon si Andrei, kumakaway sa kan'ya. 

"Nabangga lang ako, inalok agad ako ng kasal! Napalaban lang ako, na-engage agad ako. Wow, life! Daig pa ng buhay ko ang sport car sa express way," bulong ni Tamara sa kaniyang sarili sabay ngiti niya ng makahulugan kay Andrei.