CHAPTER 25

Halos isumpa ni Tamara si Melvin nang paggising niya kinabukasan ay ito agad ang nakita niya. Para siyang nahilo bigla nang pumasok sa isip niya ang isang eksena na kasama niya ito sa isang bahay pero hindi n'ya matandaan kung saan o kailan iyon. Gusto niya sanang tanungin ang lalaki pero pinigilan niya ang sarili.

"Tamara, huwag kang mag-enjoy masyado na kasama Sir Andrei. Concern lang ako sa iyo kaya sinasabi ko ito," wika ni Melvin habang nakaabang sa daraanan ng dalaga. Nakahalukipkip ito at nakasandal sa pader. Nakatayo lang din ito sa isang paa at para bang walang takot kahit magsumbong pa ang dalaga sa nobyo nito.

"Sir, bakit kung anu-ano ang sinasabi mo sa akin? Simula pa lang ay alam ko nang mainit na ang dugo mo sa akin," pikon na saad ni Tamara.

"Gusto mo ba talagang malaman? Hindi ko nais na nakikita na…"

Nang sumulyap si Melvin sa silid ni Andrei at nakita nitong lumabas na ang binata ay agad itong tumalikod. Hindi na nito tinapos pa ang sasabihin. Balak pa sanang su